الىپ اعاش

ونىڭ 1300 جىلدىق تاريحى بار قارناق اۋىلىندا 1300 جىل بويى ءوسىپ تۇرعان تۇت اعاشى بار. ونىڭ ەنىن بويلاعاندا التى ادامنىڭ قۇشاعى ارەڭ جەتەدى. يمام باقلي مازارىندا ورنا­لاسقان بايتەرەك جايىندا ءارتۇرلى اڭىز اڭگىمەلەر بار. سونىڭ بىرەۋىن ءبىزدى اعاشقا الىپ بارعان قارناق اۋىلدىق وزبەك ەتنومادەني ورتالىعىنىڭ توراعاسى حۋسان ساديروۆ ايتىپ بەردى. اڭگى­­­­مەگە قاراعاندا, وسى جەردى مەكەن ەتۋشى يمام باقلي پايعامبارىمىز (س.ع.س.) اسكەر باسى­نىڭ ءبىر وكىلى بولعان ەكەن. ەلدى يسلام­عا شاقىرىپ, مۇسىل­مان­شىلىقتى ءۇي­رەتۋ ءۇشىن وسىندا قالىپتى. سول كىسىنىڭ وتىر­­­عىزعان تۇت اعاشى دەگەن دە ءبىر ءاپسانا بار. بۇگىندە بۇل اعاش يمام باقلي مازارىندا ۇلكەن بولىپ ءوسىپ تۇر. سابىرجان يۋسۋپوۆ مۇنداي بايتەرەك اۋىلدا ەكەۋ بولعانىن ايتادى. ونىڭ ءبىرى بۇدان كوپ جىل بۇرىن بالالار سول ماڭدا وت جاعىپ ويناپ جۇرگەندە ورتەنىپ كەتىپتى. الىپ اعاشتىڭ اۋليەلىك قاسيەتى دە جوق ەمەس. – قازىرگى ءوسىپ تۇرعان الىپ اعاشتىڭ ءبىر جەرىن ءتۇرتىپ, جاپىراعىن ج ۇلىپ, زيان تيگىزسە ادامنىڭ تۇسىنە نەبىر جامان وقيعالار كىرەدى ەكەن. بۇرىندارى اعاشتىڭ تومەنگى جاعىنان اعىپ وتەتىن بۇلاق بولع­ان. سول سۋدى ىشكەن ادام اۋرۋى­نان تەز ايىعىپ, جارالارى دە جازىلىپ كەتەتىن. ءوزىمىز كىشكەنتاي كۇنىمىزدە وسى ماڭدا تۇر­دىق. قاتارلاس بالالار كۇندە وسىندا وينايتىنبىز. اعاشتىڭ ورتاسى كەۋەكتەنىپ كەتكەن. جاڭبىر جاۋا قالسا, ىشىنە ونعا جۋىق بالا كىرىپ پانالاپ وتىراتىنبىز. بۇرىندارى مۇندا الىس­تان زيارات ەتىپ كەلۋشىلەر كوپ بولاتىن. ولار اعاشتىڭ استىندا قۇران وقىتىپ, اس بەرەتىن. ءالى دە اۋليە اعاشى دەپ ارنايى كەلەتىندەر بار. الداعى ۋاقىتتا سول ماڭدى تازالاپ, جول سالىپ رەتتەپ قويۋدى جوسپارلاپ وتىرمىز, – دەيدى اۋىلدىق اقسا­­­­قالدار كەڭەسىنىڭ توراعاسى سابىرجان يۋسۋپوۆ. بۇگىنگى كۇنى الىپ اعاش قارتاي­­عا­نى­مەن, ءومىر سۇرۋگە ۇمتىلىسىن كور­سە­تىپ, بۇتاقتارى كوگەرىپ, جا­پىراق اشىپ تۇر. ءبىر قىزىعى مۇن­داعى تۇرعىنداردىڭ كوپ­شىلىگى اۋىلدا وسىنداي الىپ اعاشتىڭ بار ەكەنىن بىلمەيدى ەكەن. قايرات زاينيشەۆ. وڭتۇستىك قازاقستان وبلىسى.