الەمدىك بالەت كەشى

جۋىردا ەلوردادا وپەرا جانە بالەت جۇلدىزدارىنىڭ حالىقارالىق فەستيۆالى – «وپەراليا-2014» اياسىندا «الەمدىك بالەت جۇلدىزدارىنىڭ» گالا-كونتسەرتى ءوتتى. استانا كۇنىنە وراي 9-شى رەت ۇيىمداستىرىلىپ وتىرعان شارادا قازاقستان, برازيليا, يتاليا, گەرمانيا, رەسەي, ۋكراينا ەلدەرىنىڭ ارتىستەرى ونەر كورسەتتى. ايتا كەتەتىن جايت, بيىلعى فەستيۆالعا قاتىسۋشى جۇلدىزداردىڭ بارلىعى جوعارى دەڭگەيدەگى ونەرپازدار. قازاقستاندا دا بالەت ونەرىنىڭ وركەندەپ, دامىپ كەلە جاتقانىن كورسەتۋ ماقساتىندا فەستيۆالعا ەلىمىزدەن 5 ادام قاتىستى. ولاردىڭ ىشىندە اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ جەكە ورىنداۋشىلارى گۋلۆيرا قۇربانوۆا مەن فارحات بۋريەۆ ر.ستوانىڭ «پاراللەليىن» ا.ابىلعازينانىڭ حورەوگرافياسى بويىنشا ورىنداسا, پا-دە-دە بالەتىنەن ا.اداننىڭ «جيزەلىن» ج.پەررو, ج.كوراللي, م.پەتيپتىڭ حورەوگرافياسى نەگىزىندە كورەرمەنگە اسەرلى كۇيدە جەتكىزدى. سونىمەن بىرگە, مەملەكەتتىك «استانا وپەرا» وپەرا جانە بالەت تەاترىنىڭ جەكە ورىنداۋشىسى ايگەرىم بەكەتاەۆا, تايىر گاتاۋوۆپەن د.ليگەتيدىڭ «ۇرەيلى كوڭىل كۇيىن» گ.بۋراباەۆانىڭ حورەوگرافياسى نەگىزىندە ۇسىنسا, ەركىن راحماتۋللاەۆپەن پا-دە-دە بالەتىنەن پ.ي.چايكوۆسكيدىڭ «اققۋلى كولىن» م.پەتيپتىڭ حورەوگرافياسى بويىنشا وتە جوعارى دەڭگەيدە ورىنداپ شىقتى. «جاس برازيليا بالەتى» بالەتتىك شىعارما­­­شىلىق ќۇرامىنىڭ جەكە ورىنداۋشىلارى اماندا گومەس پەن ماركۋس دا سيلۆا ل.مينكۋستىڭ «دون كيحوتىن» پا-دە-دە بالەتىنەن ا.گوركسكوگونىڭ حورەوگرافياسى نەگىزىندە ۇسىنسا, گەرمانيادان كەلگەن شتۋتگارت ۇلتتىق وپەراسىنىڭ پريما بالەريناسى اليسيا اماتريان جانە شتۋتگارت ۇلتتىق وپەراسىنىڭ پرەمەرى دجەيسون رەيلي ت.حەفس­تىڭ «مونا ليزاسىن» ي.گاليليدىڭ حورەو­گرافياسىندا كورسەتىپ زور قوشەمەتكە بولەندى. ۇلتتىق ريم وپەرا جانە بالەت تەاترىنىڭ جەكە ورىنداۋشىلارى ەريكا گاۋدەنزي مەن دجاكومو ليۋچي پا-دە-دە بالەتىنەن ر.دريگونىڭ «ارلەكيناداسىن» م.پەتيپتىڭ حورەوگرافياسى بويىنشا, دج.ءۆيليامستىڭ «كۇن باتقانداعى سەرۋەنىن» ر.بوناۆيتانىڭ حورەوگرافياسى نەگىزىندە كورەرمەنگە ۇسىنىپ, حالىقتىڭ ىستىق ىقىلاسىنا يە بولدى. «وپەراليا-2014» فەستيۆالىنىڭ «الەمدىك وپەرا جۇلدىزدارىنىڭ» گالا-كونتسەرتى 4 ءشىل­­­­دەدە وتەدى دەپ كۇتىلۋدە. شاراعا ەۋروپانىڭ ءۇز­­دىك تەاترلارىنىڭ جەكە ورىنداۋشىلارى لەو­­ناردو كايمي, گۆا مەي, سونىمەن قاتار, دي­ري­­­جەر الان بورىباەۆ پەن اباي اتىنداعى قازاق مەم­­لەكەتتىك اكادەميالىق وپەرا جانە بالەت تەات­­رىنىڭ سيمفونيالىق وركەسترى مەن حورى ونەر كورسەتەدى دەپ جوسپارلانۋدا. ماقپال تورەبەك.