3 ناۋرىز كۇنى تاڭەرتەڭ 102 پۋلتىنە وبلىس تۇرعىنى 61 جاستاعى اناسىنىڭ جوعالىپ كەتكەنى تۋرالى حابارلادى. قىزىنىڭ ايتۋىنشا, ونىڭ ەستە ساقتاۋ قابىلەتى ناشار, سوندىقتان ۇيگە اپاراتىن جولدى تابا المايدى. شاقىرۋدى قابىلداعاننان كەيىن ينسپەكتور-كينولوگ دياس يگلىكوۆ وقيعا ورنىنا باردى. «اللادين» قىزمەتتىك-ىزدەستىرۋ ءيتىنىڭ كومەگىمەن ىزدەۋ جۇمىستارى باستالدى.
«يت جوعالعان ايەلدىڭ ءىزىن بىردەن تاپتى. ءبىز جاقىن ماڭداعى اۋماقتى جانە پرولەتارسكايا كوشەسىنىڭ بويىمەن 800-1000 مەتر راديۋستا اينالىپ وتتىك. 39-ءشى ءۇيدىڭ جانىنان جوعالعان ايەل تابىلدى. ول ابدىراپ قالىپ, ءۇيىن تابا الماعان. سونىمەن قاتار دالادا ءجۇرىپ,جاۋراپ قالعان. ىزدەۋ جۇمىستارى شامامەن ءبىر ساعاتقا جۋىق ۋاقىتقا سوزىلدى», دەدى پوليتسيا سەرجانتى.
دياس يگلىكوۆ پوليتسيادا 2019 جىلدان بەرى جۇمىس ىستەيدى. وسى ۋاقىت ىشىندە ول جوعالعان ادامداردى ىزدەۋگە بىرنەشە رەت قاتىسقان. قىزمەتتىك ءيتتىڭ كومەگىمەن جوعالعان ءۇش ادام تابىلعان.
