2022 جىلدىڭ جەلتوقسانىنان 2023 جىلدىڭ ناۋرىزىنا دەيىن استانا قالاسىنىڭ اۋەسقوي كوماندالارى اراسىندا AFL (Astana Futbol Ligasy) ءىس-شارالار كۇنتىزبەسى اياسىندا پاركەتتە شاعىن فۋتبولدان ءبىرىنشى ليگا ءتۋرنيرى ءوتتى.
بۇل بىرىنشىلىككە 70-تەن استام كوماندا قاتىستى. ۇلتتىق ۇلاننىڭ «ۇلاندىقتار» قۇراما كومانداسى 1-ءشى ليگادا ءبىرىنشى جالپى كوماندالىق ورىندى يەلەندى جانە جارىس رەگلامەنتى بويىنشا اۆتوماتتى تۇردە كەلەسى ماۋسىمدا ونەر كورسەتەتىن AFL جوعارى ليگاسىنا كوتەرىلدى.
بۇل جارىستىڭ ماقساتى - شاعىن فۋتبولدى دامىتۋ جانە ناسيحاتتاۋ, جاستار اراسىندا سالاۋاتتى ءومىر سالتىن قالىپتاستىرۋ, سپورتتىق جارىستارعا تارتۋ, بىرلىك پەن مۇددەلەر ورتاسىن قۇرۋ بولدى.
ليگاداعى ۇزدىك اتاق ءۇشىن 12 كوماندا كۇرەستى. ناتيجەسىندە «ۇلاندىقتار» كومانداسى 35 ۇپاي جيناپ, قارسىلاستارىنىڭ قاقپاسىنا 62 گول سوقتى.
– «ۇلاندىقتار» كومانداسىن قىسقى ليگاداعى جەڭىسىمەن جانە ولاردىڭ AFL جوعارى ليگاسىنا وتۋىمەن قۇتتىقتايمىن. 16 ويىن بارىسىندا ۇلاندىقتار الاڭدا وزدەرىن لايىقتى كورسەتتى. ولارعا الاڭدا جانە ومىردە ساتتىلىك پەن بولاشاقتا كوپ جەڭىس تىلەيمىن, - دەپ قۇتتىقتادى AFL ءتۋرنيرىنىڭ باس تورەشىسى سەرگەي پوپوۆ.
فينالدا ويناعان كوماندالارعا كۋبوكتار, ديپلومدار جانە ەستەلىك مەدالدار بەرىلدى. جالپى بىرىنشىلىك جوعارى دەڭگەيدە ءوتتى, فۋتبولشىلار ادەمى ويىن كورسەتىپ, كوماندادا قىزۋ ويىن ۇيىمداستىرا ءبىلدى.
