اڭگىمە بارىسىندا قازاقستان-ارمەنيا پارلامەنتارالىق ىنتىماقتاستىعىن ودان ءارى دامىتۋ جانە نىعايتۋ ماسەلەلەرى تالقىلاندى.
ەلشى پرەزيدەنت قاسىم-جومارت توقاەۆتىڭ باستاماسىمەن جۇرگىزىلىپ جاتقان ساياسي جانە الەۋمەتتىك-ەكونوميكالىق جاڭعىرتۋدىڭ اۋقىمدى باعدارلاماسى تۋرالى حاباردار ەتتى. كونستيتۋتسيالىق رەفورما مەن قازاقستاندا الداعى پارلامەنتتىك سايلاۋدى دايىنداۋ جانە وتكىزۋ ماسەلەلەرىنە ەرەكشە نازار اۋدارىلدى.
ارميان تاراپى قازاقستاندا جۇرگىزىلىپ جاتقان ساياسي جانە ەكونوميكالىق رەفورمالاردى جوعارى باعالاپ, ەكىجاقتى دەڭگەيدە, سونداي-اق حالىقارالىق پارلامەنتتىك ۇيىمدار شەڭبەرىندە پارلامەنتارالىق بايلانىستاردى نىعايتۋ ءۇشىن بار كۇش-جىگەرىن سالۋعا دايىن ەكەنىن ءبىلدىردى. د. اراكەليان 19 ناۋرىزدا قازاقستانداعى پارلامەنتتىك سايلاۋعا حالىقارالىق بايقاۋشىلار رەتىندە ارمەنيا پارلامەنتى دەپۋتاتتارىنىڭ قاتىساتىنىن راستادى.
كەزدەسۋ بارىسىندا سونىمەن قاتار 2023 جىلى بىرلەسكەن ەكىجاقتى جانە حالىقارالىق پارلامەنتارالىق ءىس-شارالار كەستەسى قاراستىرىلدى.
