سىرتقى ساۋدا كومپانياسىنىڭ قىزمەتى ەكى ەلدىڭ ءىرى كاسىپورىندارىنىڭ ونىمدەرىنە نارىقتىق زەرتتەۋلەر مەن باسەكەلەستىك تالداۋ جۇرگىزۋگە, دايىن ءونىمدى وندىرۋگە تاپسىرىستاردى ورنالاستىرۋ, ءوزارا ساۋدا پروتسەستەرىن وڭتايلاندىرۋ جانە ۇيلەستىرۋ جونىندە ۇسىنىستار ازىرلەۋگە, بيزنەستى سەرتيفيكاتتاۋعا جانە ءونىمدى ەكسپورتتاۋعا ىلگەرىلەتۋگە, سونداي-اق ولاردىڭ تاپسىرىستارى بويىنشا تەحنولوگيالىق جابدىقتاردى, قوسالقى بولشەكتەردى, جيىنتىقتاۋىشتاردى جەتكىزۋگە جاردەمدەسۋگە, وزبەكستان مەن قازاقستاندا ءۇشىنشى ەلدەردەن يمپورتتى الماستىرۋ ءۇشىن وندىرىلگەن شيكىزات پەن ماتەريالدار, جاڭا ساتىپ الۋشىلار مەن تۇتىنۋشىلاردى ىزدەۋگە باعىتتالادى.
«QazTrade» اق باس ديرەكتورى نۇرالى بوكەيحانوۆ اتاپ وتكەندەي, بىرلەسكەن كومپانيا قۇرۋ قازاقستاندىق كاسىپورىندارعا ەكى ەلدىڭ نارىقتارىنا تاۋارلاردى جەتكىزۋ كولەمىن ۇلعايتۋعا مۇمكىندىك بەرەدى, ءوزارا ساۋداداعى شەكتەۋلەر مەن كەدەرگىلەردى الىپ تاستاۋ بويىنشا ۇسىنىستار ازىرلەۋگە جاردەمدەسەتىن بولادى.
«باستاپقى كەزەڭدە ءبىزدىڭ ىشكى نارىقتىڭ قاجەتتىلىكتەرىن قامتاماسىز ەتۋ ءۇشىن وزبەكستاننان جەمىس-كوكونىس ونىمدەرىن ساتىپ الۋ جوسپارلانۋدا. بۇدان باسقا, اۋعانستانعا ودان ءارى ەكسپورتتاۋ مۇمكىندىگىمەن وزبەكستان اۋماعىندا قازاقستاندىق ۇن تارتۋ ونىمدەرىن ساتۋعا كومەكتەسەمىز. ءبىز وزبەك تاراپىمەن لوگيستيكالىق شىعىستارعا پرەفەرەنتسيالار بەرۋ تۋرالى ۋاعدالاستىق», دەدى ساۋدا ساياساتىن دامىتۋ ورتالىعىنىڭ باسشىسى.
بۇدان باسقا, جوبانى ىسكە اسىرۋ قازاقستاندىق نارىقتىڭ ءۇشىنشى ەلدەردەن كەلەتىن يمپورتقا تاۋەلدىلىگىن قىسقارتۋ جونىندەگى مەملەكەتتىك شارالاردىڭ تيىمدىلىگىن ارتتىرۋعا ىقپال ەتەدى.
2022 جىلدىڭ قورىتىندىسى بويىنشا قازاقستان مەن وزبەكستان اراسىنداعى تاۋار اينالىمى 5,0 ملرد دوللارعا جەتتى, بۇل وتكەن جىلعى كورسەتكىشتەن 29,8%-عا جوعارى (3,8 ملرد دوللار). قازاقستاندىق تاۋارلاردى ەكسپورتتىق جەتكىزۋ كولەمى 33%-عا ءوسىپ, 3,7 ملرد دوللاردى قۇرادى. ەكسپورتتىڭ ءوسۋى نەگىزىنەن كەندى جانە مىس كونتسەنتراتتارىن ء(وسىمى 4,8 ەسە), بيدايدى (32,3%-عا), جەڭىل اۆتوموبيلدەردى (83,7%-عا), كۇنباعىس مايىن (97,2%-عا), وڭدەلمەگەن ءاليۋمينيدى (70,4%-عا) جەتكىزۋدىڭ ۇلعايۋىنا بايلانىستى بولدى.
وزبەكستاننان قازاقستانعا يمپورت 2022 جىلى 21,4%-عا ءوسىپ, 1,3 ملرد دوللاردى قۇرادى. نەگىزىنەن قازاقستان اۆتوموبيلدەرگە ارنالعان شاناقتاردى, ۇشقىنمەن تۇتاناتىن ىشتەن جانۋ قوزعالتقىشتارىن, ءجۇزىمدى, لەگيرلەنبەگەن بولاتتان جاسالعان جالپاق جالاتىلعان يلەمدى, قورعاسىن كەندەرى مەن كونتسەنتراتتارىن, قۇرىلىس كىرپىشتەرىن, ەدەنگە ارنالعان بلوكتاردى جانە كەراميكادان جاسالعان ۇقساس بۇيىمداردى, اۆتوموبيلدەر مەن تراكتورلارعا ارنالعان بولشەكتەر مەن كەرەك-جاراقتاردى, ەتيلەن پوليمەرلەرىن ساتىپ الادى.
