وعان جوعارى وقۋ ورىندارىنىڭ قازاق ءتىلى وقىتۋشىلارى, دوكتورانتتارى, ماگيسترانتتارى, مەملەكەتتىك ءتىلدى وقىتۋ ورتالىقتارى مەن عىلىمي ينستيتۋتتاردىڭ قىزمەتكەرلەرى مەن بولاشاق ءتىل ماماندارى قاتىستى. سەميناردىڭ ماقساتى – قازاق ءتىلىن جوعارى وقۋ ورىندارىندا پراكتيكالىق جانە كاسىبي وقىتۋدىڭ وزەكتى ماسەلەلەرىن تالداۋ, تاجىريبەمەن ءبولىسۋ, قازاق ءتىلىن شەتەلدىك ازاماتتارعا وقىتۋدىڭ ءتيىمدى جولدارىن قاراستىرۋ.
Nazarbayev University قازاق ءتىلى جəنە تۇركىتانۋ كافەدراسىنىڭ پروفەسسورى, فيلولوگيا عىلىمدارىنىڭ دوكتورى ەلميرا ورازاليەۆانىڭ ايتۋىنشا, ءىس-شارانىڭ ەرەكشەلىگى – مەكتەپ پەن جوعارى وقۋ ورىندارى, سونداي-اق شەتەلدەگى قازاق ءتىلى وقىتۋشىلارىنىڭ ىنتىماقتاسقان ايرىقشا ءبىر مودەلىن جاساۋ. بۇل قازاق ءتىلى وقىتۋشىسىنىڭ جاڭا بەينەسىن عانا ەمەس, تۇلعالىق ءوسۋىن سومدايدى.
«قازاق ءتىلى وقىتۋشىسىنىڭ جاڭا پورترەتى نەمەسە تۇلعالىق ءوسۋدىڭ ءمانى زور. ويتكەنى ول ءداستۇرلى جولمەن جاڭا تەحنولوگيانى ساباقتاستىرىپ, زامان تالابىنا ساي بىلىكتىلىگىن دامىتادى. سونداي-اق پانارالىق بايلانىستا قازاق ءتىلىن جاڭا عىلىم كەڭىستىگىنە الىپ شىعادى. سوندىقتان ونداي وقىتۋشىنى سەگىز قىرلى, ءبىر سىرلى دەپ ايتۋعا بولادى. ءبىزدىڭ ماقساتىمىز – قازاق ءتىلى مەن ادەبيەتى مۇعالىمىنىڭ بويىنداعى سان ءتۇرلى ەرەكشەلىكپەن قوعامداعى جاڭا ءبىر كەلبەتىن سومداپ شىعارۋ», دەيدى پروفەسسور.
وفلاين جانە ونلاين فورماتتا وتكەن سەمينار «تىلدىك ءبىلىم بەرۋ جانە كاسىپتىك باعدار», «تىلدىك ءبىلىمدى باعالاۋدىڭ ءادىس-تاسىلدەرى», «سويلەۋ ارەكەتىن دامىتۋدىڭ ءتيىمدى جولدارى», «قازاق ءتىلى – عىلىم ءتىلى: ادىستەمەلىك ساباقتاستىق» جانە «فيلولوگيا: عىلىمي زەرتتەۋلەر ساباقتاستىعى» دەپ اتالاتىن بەس باعىتتان تۇرعانىن اتاپ وتەيىك.
كەڭەستە قازاق ءتىلى وقىتۋشىلارىنىڭ ءوز كەڭىستىگىندە قالىپ قويماي, وركەنيەتتى ەلدەردىڭ تاجىريبەسىن الىپ, ونى ساباق بارىسىندا ۇتىمدى پايدالانا ءبىلۋ سياقتى ماسەلەلەر قوزعالدى. وسى تاقىرىپتاردا بىلىكتى مامانداردىڭ دارىستەرى تىڭدالدى.
ء«بىز سەمينار تاقىرىبىن ۋاقىت تالابىنا ساي الىپ وتىرمىز. ويتكەنى وقىتۋشىلار ىقپالداستىق ارقىلى ءتىل وقىتۋدىڭ تەحنولوگيالارىن مەڭگەرىپ, قازاق ءتىلىن عىلىمي كەڭىستىككە شىعارۋدىڭ جولىن ءبىلۋى قاجەت. قازىر قازاق ءتىلىن عىلىم تىلىندە دامىتۋدى ءجيى ايتامىز. مىسالى, سەمينارعا عارىش سالاسىنىڭ بىلىكتى ماماندارى كەلىپ ءدارىس وقىدى جانە ولار «عارىش سالاسى قانشالىقتى قازاق تىلىندە سويلەيدى؟» دەگەن ماسەلەنى كوتەردى. سونداي-اق ناقتى عىلىمدار سالاسىندا دا قازاق تىلىندە تولىققاندى اقپارات الىپ ءجۇرمىز بە؟ بۇل دا ويلاندىرادى. شىن مانىندە, قازاق ءتىلىنىڭ ينتەگراتسيالىق كورىنىسى – پانارالىق ساباقتاستىقتا. سونىمەن بىرگە عىلىمارالىق بايلانىس بولۋى كەرەك. سول كەزدە قازاق ءتىلىنىڭ كەڭىستىگىندە ىقپالداستىق قانات جايادى», دەدى ە.ورازاليەۆا.
