تۇساۋكەسەر كەزدەسۋىندە جەرلەسىمىز الەكساندار لازاروۆپەن كۇش سىناستى. ءبىرىنشى سەت بۋبليكتىڭ ايقىن جەڭىسىمەن اياقتالدى – 6:1. ودان كەيىن جاراقاتىن جەلەۋ ەتكەن بولگاريالىق تەننيسشى جارىستى جالعاستىرۋدان باس تارتتى. ەكىنشى كەزەڭدە ول دانيل مەدۆەدەۆپەن كەزدەستى. بۇل كۇندەرى الەمدىك رەيتينگتە جەتىنشى ورىندا تۇرعان 27 جاستاعى رەسەيدىڭ وكىلى سپورتتىڭ بۇل تۇرىندە كوپتەگەن بيىك بەلەستى باعىندىردى. اتاپ ايتساق, سوڭعى ەكى جىلدا US open دوداسىندا دارا شىقتى, اۋستراليانىڭ اشىق بىرىنشىلىگىنىڭ فينالىندا ەكى مارتە وينادى. اتر تۋرنيرلەرىن 17 رەت ۇتتى. وسىدان تۋرا ءبىر جىل بۇرىن مەدۆەدەۆتىڭ الەمدىك رەيتينگتە كوش باستاعانى دا ەسىمىزدە. وسىنداي مىقتى ويىنشىعا الەكساندر لايىقتى قارسىلىق كورسەتە المادى. 1 ساعات 5 مينۋتكە سوزىلعان باسەكە 6:4, 6:2 ەسەبىمەن رەسەيلىكتىڭ پايداسىنا شەشىلدى.
چيلي استاناسى سانتياگودا دا حالىقارالىق تۋرنير ءوتىپ جاتىر. بۇل جارىستىڭ جۇپتىق سايىسىندا اندرەي گولۋبەۆ پەن الەكساندر نەدوۆەسوۆ ونەر كورسەتتى. ەكىنشى كەزەڭدە جەرلەستەرىمىز ۇندىستاندىق شريرام بالادجي مەن دجيۆان نەدۋنچەجيانعا 5:7, 6:4, 6:7 ەسەبىمەن ەسە جىبەردى.
