«قازاقستان» تەلەراديوكورپوراتسياسىنىڭ تاپسىرىسىمەن «قوعامدىق پىكىر» زەرتتەۋ ينستيتۋتى قر پارلامەنتى ءماجىلىسىنىڭ سايلاۋىنا جانە پارتيالار پىكىرسايىسىنا قاتىستى الەۋمەتتىك ساۋالناما جۇرگىزدى. ونلاين ساۋالناماعا قازاقستاندىقتار سايلاۋعا قاتىساتىن پارتيالار پىكىرسايىسى بارىسىندا تىكەلەي ەفيردەردە بەينەلەنگەن QR-كود ارقىلى ءوتىپ, قاتىستى.
ساۋالناماعا 18 جاستان اسقان 34 947 رەسپوندەنت قاتىستى.
قازاقستاندىقتار ساۋالنامادا «داۋىس بەرۋگە باراسىز با؟», «پىكىرسايىستا قاي پارتيا وكىلىنىڭ سويلەگەن ءسوزى سىزگە كوبىرەك ۇنادى؟», «بۇگىنگى پىكىرسايىس سىزگە قانشالىقتى قىزىق بولدى؟» دەگەن ساۋالدارعا جاۋاپ بەردى.
«داۋىس بەرۋگە باراسىز با؟» ساۋالىنا رەسپوندەنتتەردىڭ 77,6%-ى ء«يا» دەپ جاۋاپ بەرگەن. ء«يا دەۋگە بولادى» - 12,1%, «وزىرگە بىلمەيمىن» - 9,3%, «جوق» دەۋگە بولادى - 0,4%, «جوق» - 0,6%.
«پىكىرسايىستا قاي پارتيا وكىلىنىڭ سويلەگەن ءسوزى سىزگە كوبىرەك ۇنادى؟» دەگەن ساۋال بويىنشا «Amanat» پارتيسى - 72,3%, «اۋىل» حالىقتىق-دەموكراتيالىق پاتريوتتىق پارتياسى - 3,7%, Respublica پارتياسى - 14,8%, قازاقستان حالىق پارتياسى – 1,3%, قازاقستاننىڭ «بايتاق» جاسىلدار پارتياسى – 4,3%, «اق جول» قازاقستاننىڭ دەموكراتيالىق پارتياسى – 1,1%, جالپىۇلتتىق سوتسيال-دەموكراتيالىق پارتيا - 1, 9% پايىز قولداۋعا يە بولدى. «ەشقايسى» دەپ جاۋاپ بەرگەندەر ۇلەسى - 0,6%-دى قۇرادى.
