«ۇستالعان و.توكارەۆ ءوزىنىڭ كىناسىن مويىندادى جانە تەرگەۋگە كومەكتەسۋگە كەلىستى. وعان باسقا شەتەل ازاماتتارى – ك.ءليتۆينوۆتىڭ, س.شاپوۆالوۆتىڭ, ب.دەمچەنكو مەن يا.مالىشوكتىڭ بەلسەندى كومەك كورسەتكەنى انىقتالدى. توكارەۆتىڭ ءوزى ۇيىمداستىرۋشى جانە ۇيلەستىرۋشى رەتىندە, ال توپتىڭ باسقا قاتىسۋشىلارى – ليتۆينوۆ, شاپوۆالوۆ جانە دەمچەنكو رەكرۋتەرلەر ءرولىن اتقارىپ, قازاقستان ازاماتتارى اراسىنان اراڭداتۋدى تىكەلەي ىسكە اسىرۋشىلاردى, ياعني «قاباندار» دەپ اتالاتىن ورىنداۋشىلاردى ىزدەۋمەن جانە قىلمىستىق ارەكەتكە تارتۋمەن اينالىسقان», دەلىنگەن ءىىم اقپاراتىندا.
جەدەل-تەرگەۋ توبىنىڭ مالىمەتىنشە, يا.مالىشوك حاكەرلىك باعىتقا جاۋاپتى بولىپ (فلۋد, DDos, بۇزۋ جانە ت.ب.), «Orda» جانە «Elmedia» سايتتارىنا DDos-شابۋىلدارىن ءوزى ۇيىمداستىرعان. ول سونداي-اق «Ulysmedia» رەداكتسياسىنىڭ سايتىن بۇزعان.
قازىرگى تاڭدا باس پروكۋراتۋرامەن بىرگە توكارەۆتىڭ سىبايلاستارىن حالىقارالىق ىزدەۋگە جاريالاۋ ماسەلەسى پىسىقتالىپ جاتىر.
