مۋزەي-ءۇي وسى ۋاقىتقا دەيىن جازۋشىنىڭ قارىنداسى عاليا بوكەيدىڭ مەنشىگىندە ەدى.
اۋدان اكىمى ءدىلدار قاليحاننىڭ ايتۋىنشا, ەندى ءۇيدىڭ ءىشى-سىرتىنا جوندەۋ جۇمىستارى جۇرگىزىلەدى. ال مۇراجايدىڭ الدىنا جازۋشىنىڭ جاڭا ءمۇسىنى قويىلادى.
ايتا كەتسەك, بيىل جازۋشىنىڭ تۋعانىنا 80 جىل.
ورالحان بوكەيدىڭ قاراشاڭىراعى بۇعان دەيىن دە مۋزەي رەتىندە اشىلعان ەدى. الايدا كوپشىلىككە بەلگىسىز سەبەپتەرگە قاتىستى جابىلىپ قالعان-دى.
بۇل ماسەلە «Egemen Qazaqstan» گازەتىندە بۇعان دەيىن دە كوتەرىلگەنىن اتاپ ءوتۋ كەرەك. قالامگەردىڭ قارىنداسى عاليا بوكەيمەن سۇحباتتاسىپ, قايراتكەردىڭ شىعارماشىلىعىن ناسيحاتتاۋ ماقساتىندا ۇيىمداستىرىلىپ وتىرعان «ورالحان وقۋلارى» نە سەبەپتى وتكىزىلمەي كەتكەنى, العاشىندا ەسىگىن ايقارا اشقان مۋزەي قانداي سەبەپتەرگە بايلانىستى جابىلىپ قالعانى تۋرالى اقپارات العان ەدىك.
