ناۋرىز ايىندا جاۋىن-شاشىن مولشەرى رەسپۋبليكامىزدىڭ باسىم بولىگىندە نورمادان اسادى, باتىستا, سولتۇستىكتە جانە وڭتۇستىك-باتىستا نورما شاماسىندا بولجانادى.
ناۋرىز ايى تۇراقسىز اۋا رايىمەن باستالادى. بارەنتس جانە كارسك تەڭىزدەر اۋداندارىنان كەلگەن تسيكلونمەن بايلانىستى اتموسفەرالىق فرونتتار جىلجىپ, ەلىمىزدىڭ باسىم بولىگىندە جاڭبىر جانە جىلبىسقى قار ارالاس جاۋىن-شاشىن تۇسەدى, سولتۇستىك وڭىردە بۇرقاسىن جۇرەدى دەپ بولجانادى, وڭتۇستىك بولىگىندە جاڭبىر, نايزاعاي بولۋى مۇمكىن.
قازاقستان وبلىستارىنىڭ باسىم بولىگىندە كوكتايعاق بولادى, جەلدىڭ ەكپىنى 18-25 م/س دەيىن جەتەدى دەپ كۇتىلەدى.
ناۋرىز ايىنىڭ باسىندا سولتۇستىك وڭىرلەردە اۋا تەمپەراتۋراسى تۇندە 0,-5°س, كۇندىز -2+5°س, وڭتۇستىكتە تۇندە -3+10°س, كۇندىز +13+20°س-قا دەيىن جوعارىلاۋ ىقتيمالدىلىعى بولجانادى. تەك قازاقستاننىڭ باتىسىندا, سولتۇستىك-باتىسىندا باتىس سۋىق انتيتسيكلون اسەرىنەن اۋا تەمپەراتۋراسى تۇندە -5-12°س, كۇندىز 0,-8°س-قا دەيىن ازداپ تومەندەيدى دەپ بولجانادى. 3-4 ناۋرىزدا رەسپۋبليكامىزدىڭ قالعان اۋماعىندا اۋا تەمپەراتۋراسىنىڭ تومەندەۋى بولجانادى:
- سولتۇستىك جارتىسىندا تۇندە -10-18°س, كۇندىز -3-10°س-قا دەيىن;
- وڭتۇستىك جارتىسىندا تۇندە 0,-8°س, كۇندىز +5+13°س-قا دەيىن.
ءبىرىنشى ونكۇندىكتىڭ ەكىنشى جارتىسىندا رەسپۋبليكا اۋماعىندا قايتادان تۇراقسىز اۋا رايى كۇتىلەدى. بۇل باتىس جانە وڭتۇستىك كاسپي تسيكلوندارىنىڭ توبە كورسەتۋىمەن بايلانىستى بولادى: جاۋىن-شاشىن, كوبىنەسە جاڭبىر تۇرىندە, كۇندىزگى اۋا تەمپەراتۋراسىنىڭ ايتارلىقتاي جوعارىلاۋى كۇتىلەدى. سولتۇستىك جارتىسىندا كۇندىز -2+5°س دەيىن, وڭتۇستىك جارتىسىندا +17+22°س دەيىن سىناپ باعانى جوعارىلايدى دەپ بولجانادى. اۋا تەمپەراتۋراسىنىڭ قايتا تومەندەۋى باتىس انتيتسيكلونعا بايلانىستى العاشقى ونكۇندىكتىڭ سوڭىندا بولجانادى.
ەكىنشى ونكۇندىكتىڭ باسىندا ەلدىڭ باسىم بولىگىندە يران اۋداندارىنان جىلى اۋا ماسسالارى جىلجىپ كەلىپ, جاۋىن-شاشىنسىز اۋا رايى كۇتىلەدى. اۋا تەمپەراتۋراسى كۇندىز سولتۇستىك جارتىسىندا +3+10°س دەيىن, وڭتۇستىك جارتىسىندا +18+25°س دەيىن جوعارىلايدى.
ەكىنشى ونكۇندىكتىڭ كەيبىر كۋندەرىندە سۋىق اركتيكالىق اۋا ماسسالارىنىڭ جىلجىپ كەلۋىنە بايلانىستى اۋا تەمپەراتۋراسى كۇرت تومەندەيدى:
- سولتۇستىك وڭىرلەردە تۇندە -15-23°س, كۇندىز -5-10°س-قا دەيىن;
- ەلىمىزدىڭ باتىسىندا, ورتالىعىندا, شىعىسىندا تۇندە -13-18°س, كۇندىز 0,-5°س-قا دەيىن;
- وڭتۇستىك جانە وڭتۇستىك-شىعىس وڭىرلەردە تۇندە -2-10°س, كۇندىز 0,+5°س-قا دەيىن.
رەسپۋبليكامىزدا ناعىز كوكتەمگى اۋا رايى ايدىڭ ءۇشىنشى ونكۇندىگىندە باستالادى دەپ كۇتىلەدى, ەلىمىزدىڭ وڭتۇستىك جارتىسىندا اۋا تەمپەراتۋراسى كۇندىز بىرتىندەپ +15+25°س-قا دەيىن, سولتۇستىك جارتىسىندا اۋا تەمپەراتۋراسى +3+12°س-قا دەيىن جوعارىلايدى.
