اپات سەيسەنبى كۇنى كەشكە لاريسسا قالاسىنىڭ ماڭىندا بولدى. جولاۋشىلار پويىزى افينادان سالونيكاعا باعىت العان. ال سول جولدا وعان قارسى سالونيكادان لاريسساعا بارا جاتقان جۇك پويىزى بولعان.
پويىزداردىڭ نەگە ءبىر جولدا بولعانى بەلگىسىز. 350 جولاۋشىسى بار پويىز رەلستەن شىعىپ كەتىپ, ۆاگوندار ورتەنىپ كەتكەن.
جەرگىلىكتى بۇقارالىق اقپارات قۇرالدارىنىڭ حابارلاۋىنشا, ەكى پويىزدىڭ دوڭگەلەكتەرى مەن باسقا دا بولىكتەرى ون مەتردەي جەرگە ۇشىپ كەتكەن.
«قاقتىعىس وتە كۇشتى بولدى», دەدى فەسساليا ايماعىنىڭ گۋبەرناتورى كونستانتينوس اگوراستوس.
ونىڭ ايتۋىنشا, جولاۋشىلار پويىزىنىڭ العاشقى ءتورت ۆاگونى رەلستەن شىعىپ كەتكەن. ال ءبىرىنشى جانە ەكىنشى ۆاگوندار تولىعىمەن ورتەنگەن.
Skai تەلەارناسىنىڭ حابارلاۋىنشا, اۋىر جاراقات الماعان جولاۋشىلار ەۆاكۋاتسيالانعان. ال جاراقات العاندار جاقىن ماڭداعى اۋرۋحانالارعا جەتكىزىلگەن.
