اتاپ ايتقاندا, قازاقستان رەسپۋبليكاسى بويىنشا كەدەيلىك شەگى:
2023 جىلعى 1 قاڭتاردان باستاپ – مەملەكەتتىك اتاۋلى الەۋمەتتىك كومەك تاعايىنداۋعا جۇگىنگەن توقسانىنىڭ الدىنداعى توقسانعا ەسەپتەلگەن ەڭ تومەن كۇنكورىس دەڭگەيىنىڭ 70 پايىزى مولشەرىندە;
2025 جىلعى 1 قاڭتاردان باستاپ – مەملەكەتتىك اتاۋلى الەۋمەتتىك كومەك تاعايىنداۋعا جۇگىنگەن توقسانىنىڭ الدىنداعى توقسانعا ەسەپتەلگەن ەڭ تومەن كۇنكورىس دەڭگەيىنىڭ 50 پايىزى مولشەرىندە ايقىندالادى. ەلىمىزدەگى كەدەيلىك شەگى 2017 جىلدىڭ 1 قازانىنان باستاپ ەڭ تومەن كۇنكورىس دەڭگەيىنىڭ 50 پايىزى مولشەرىندە ەسەپتەلسە, بۇل كورسەتكىش 2018 جىلعى 1 قاڭتاردان 50 پايىزعا, ال 2019 جىلعى 1 ساۋىردەن باستاپ 70 پايىزعا كوتەرىلگەن بولاتىن. ەڭبەك جانە حالىقتى الەۋمەتتىك قورعاۋ ءمينيسترى الەۋمەتتىك كودەكس جوباسىنا سايكەس, 2025 جىلدان باستاپ كورسەتكىشتى قايتادان 50 پايىزعا ءتۇسىرۋدى جوسپارلاپ وتىر. قۇجات جوباسى 15 ناۋرىزعا دەيىن قوعام تالقىسىنا ۇسىنىلعان.
