جىل وتكەن سايىن بۇل مەرەكەنىڭ ءمانى ارتىپ كەلە جاتقانى ايان. ونىڭ ۇستىنە قازاقستان مەن مىسىر اراسىنداعى قارىم-قاتىناستىڭ وزىندىك نىشانى ىسپەتتى سۇلتان بەيبارىستىڭ 800 جىلدىق مەرەيتويى اتالىپ وتەدى. بۇل مەرەكەدە اعا بۋىن, اعايىن-تۋىستارعا عانا ەمەس, ء«بىزدىڭ زاماننىڭ قاھارماندارى» جوباسى اياسىندا ەرىكتىلەر ىندەتپەن كۇرەسۋگە, ادام ءومىرىن ساقتاپ قالۋعا, ادامداردىڭ قاۋىپسىزدىگى مەن دەنساۋلىعىنا قامقورلىق جاساپ, جاقسىلىق پەن قوعامعا قىزمەت ەتۋ جولىندا كۇن سايىن ەرلىك جاساپ جۇرگەن بارلىق زامانداسىمىز بەن جەرلەسىمىزگە دە راحمەتىمىزدى ايتامىز. ماسەلەن, دۇنيەجۇزىلىك ەرىكتىلەرگە العىس ايتۋ كۇنى دە (World Gratitude Day). العىس ايتۋ كۇنى اقش, ۇلىبريتانيا, كانادا, جاپونيا, كورەيا, نيدەرلاند, شۆەيتساريا, ءۇندىستان جانە الەمنىڭ باسقا دا ەلدەرىندە تويلانادى. بۇل كۇنى ادامزات رياسىز يگى ىستەر جاسايتىن مەيىرىمدى جاندارعا ريزاشىلىعىن بىلدىرەدى. وسى اۋىزبىرشىلىكتىڭ جارقىن مەرەكەسىنە قۇرمەت كورسەتە وتىرىپ, قازاقستان رەسپۋبليكاسىنىڭ مىسىرداعى ەلشىلىگى ەرىكتىلەرمەن – مىسىر جانە قازاقستاننىڭ ستۋدەنت جاستارىمەن بىرلەسە وتىرىپ, جاستار جانە سپورت ءمينيسترى دوكتور اشراف سوبحي مەن تۋريزم جانە كونە جادىگەرلەر ءمينيسترى احمەد يسانىڭ تىكەلەي قولداۋىمەن كاير ماڭىنداعى «7 قىز» كەشەنىنىڭ اۋماعىنداعى تاريحي ورىنداردى قوقىستان تازارتۋ قايىرىمدىلىق ءىس-شاراسىن وتكىزگەن. بۇل ءىس-شارانى وتكىزۋگە ءىرى تازالاۋ كومپانياسى «Bio Energy Egypt» (Mr.Mahmoud Galal), Hermes قارجىلىق حولدينگى (Mr.Karim Awad), «Arab Contractors» حالىقارالىق قۇرىلىس كومپانياسى (Mr.Sayed Farouk), «Edita» ازىق-ت ۇلىك كومپانياسى (Mr. Hani Berzi), «EIPICO» فارماتسەۆتيكالىق كومپانياسى (Dr.Ahmed Kelani) سياقتى ەلشىلىكتىڭ مىسىرلىق سەرىكتەستەرى ءوز ۇلەستەرىن قوستى.
بۇل قايىرىمدىلىق ءىس-شاراسى قازاقستان مەن مىسىر اراسىنداعى قارىم-قاتىناستىڭ وزىندىك سيمۆولىنا اينالعان سۇلتان بەيبارىستىڭ 800 جىلدىق مەرەيتويىن تويلاۋ قارساڭىندا ءوتىپ جاتقانىن ەرەكشە اتاپ وتكەن ءجون. مىسىر مەن سيريانىڭ XIII عاسىرداعى كورنەكتى بيلەۋشىسى, قازاق دالاسىنىڭ ۇلى سۇلتان بەيبارىستىڭ تاريحي مۇراسى ەكى ەلدىڭ مادەنيەت سالاسىنداعى قارىم-قاتىناسىندا ەرەكشە ورىن الاتىنى ايان. ەكى ەلدىڭ ۇكىمەتى دە بەيبارىس مەشىتى كەشەنىنىڭ اۋماعىنداعى قالپىنا كەلتىرۋ جۇمىستارىن اياقتاۋعا كوپ كۇش جۇمساپ وتىر. 2007 جىلى 20 قازاندا قول قويىلعان كايردەگى سۇلتان بەيبارىس مەشىتىن قالپىنا كەلتىرۋ بويىنشا ىنتىماقتاستىق تۋرالى كەلىسىم اياسىندا قازاقستان تاراپى مىسىر تاراپىنا 4,5 ملن دوللار ءبولدى.
ء«امىر قورقامىش» كەشەنى اۋماعىندا وتكىزىلگەن قايىرىمدىلىق ءىس-شاراسى بارىسىنداعى قۇتتىقتاۋ سوزىندە مىسىردىڭ كونە جادىگەرلەرى جوعارعى كەڭەسىنىڭ باس حاتشىسى دوكتور مۇستافا ۋازيري مۇنداي يگى ىستەردىڭ مىسىر جانە قازاقستان قوعامىنىڭ ورتاق يگىلىگى ءۇشىن ماڭىزدىلىعىن اتاپ ءوتىپ, قاسيەتتى رامازان ايى مەن ورازا ايتىنان كەيىن, ياعني ءساۋىر ايىنىڭ سوڭىندا كايردەگى سۇلتان بەيبارىس مەشىتى سالتاناتتى تۇردە اشىلاتىنىن حابارلادى.
قازاقستان ەلشىسى قايرات لاما شاريف ءوز كەزەگىندە سۇلتان بەيبارىس مەشىتىنىڭ اشىلۋى باۋىرلاس ەكى حالىقتىڭ مادەني ومىرىندەگى ەرەكشە وقيعا بولاتىنىن, ونىڭ سالتاناتتى اشىلۋ ءراسىمى وسى جىلدىڭ ءساۋىر ايىندا ورازا ايت مەرەكەسىنەن كەيىن قازاقستاننان كەلەتىن ارنايى دەلەگاتسيانىڭ قاتىسۋىمەن وتەتىندىگىن اتاپ ءوتتى. سونداي-اق بەيبارىستىڭ مەرەيتويىن تويلاۋ جىلىندا ەكى ەل اۋماعىندا مادەنيەت كۇندەرى, ماملۇكتەردىڭ مىسىرداعى بيلىك ەتۋ ءداۋىرى تاقىرىبىندا سۋرەت كورمەلەرى, عىلىمي كونفەرەنتسيالار مەن دوڭگەلەك ۇستەلدەر سياقتى ءىرى بىرلەسكەن ءىس-شارالار جوسپارلانىپ وتىرعانىن جەتكىزدى.
الماتى
