ءۇش كۇدىكتى قالانىڭ ءار اۋدانىندا ۇرلىق جاساعان دەگەن بولجام بار. تەرگەۋدىڭ نۇسقاسى بويىنشا, بوتەن ادامداردىڭ پاتەرلەرى مەن ۇيلەرىنە كىرىپ, ول جاقتان باعالى زاتتاردى ۇرلاعان. قازىرگى ۋاقىتتا بوتەننىڭ مۇلكىن ۇرلاۋدىڭ 5 دەرەگى انىقتالدى. كەلتىرىلگەن شىعىن كولەمى – 5 ملن تەڭگەگە جەتەدى.
– كۇدىكتىلەر ستاندارتتى تىزبەك بويىنشا ارەكەت ەتكەن. تۇرعىنداردىڭ كوپشىلىگى جۇمىستا بولعان ۋاقىتتا ۇرلىق جاساعان. تەرەزەنى بۇزۋ ارقىلى تۇرعىن ۇيگە كىرىپ, قۇندى نارسەنىڭ ءبارىن الىپ شىققان. سوڭعى ء«ىس» بوستاندىق اۋدانىنداعى قارعالى شاعىن اۋدانىندا تىركەلدى. «شاقىرىلماعان قوناقتار» وزدەرىمەن بىرگە جالپى قۇنى 600 مىڭ تەڭگە تۇراتىن اشەكەي بۇيىمداردى, نوۋتبۋك پەن ساعاتتى الىپ كەتكەن, – دەيدى الماتى قالالىق پوليتسيا دەپارتامەنتى باستىعىنىڭ ورىنباسارى ديدار احانوۆ.
ونىڭ ايتۋىنشا, كۇدىكتىلەردى, ارنايى توپ پەن ارنايى جاساق قىزمەتكەرلەرى جۇرگىزگەن جەدەل-ىزدەستىرۋ ءىس-شارالارى بارىسىندا ۇستاعان. ولار 33 جانە 29 جاستاعى شىعىس قازاقستان جانە الماتى وبلىسىنىڭ تۋمالارى. ولار ۋاقىتشا ۇستاۋ يزولياتورىنا قامالدى.
قر قك-ءنىڭ 188-بابى 3-بولىگىنىڭ 3-تارماعى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. قر كونستيتۋتسياسىنىڭ جانە قر قپك-ءنىڭ 201-بابىنا سايكەس, قىلمىستىق ءىس بويىنشا وزگە دە مالىمەتتەر جاريا ەتىلمەيدى.
