ء«بىر ماقسات. ءبىر مۇددە. ءبىر بولاشاق» تاقىرىبىندا وتەتىن شارادا وڭىردەگى ەتنوستاردىڭ مادەنيەتى مەن سالت-داستۇرلەرى كوپشىلىك نازارىنا ۇسىنىلماق. بۇدان بولەك, ەتنومادەني بىرلەستىكتەردىڭ كونتسەرتتىك باعدارلاماسى دا ۇيىمداستىرىلادى.
«العىس ايتۋ مەرەكەلىك ونكۇندىگى اياسىنداعى نەگىزگى ءىس-شارالار 1 ناۋرىزدا وبلىس ورتالىعى – قوناەۆ قالاسىندا وتكىزىلەدى. «راقمەت ساعان, Qazaqstan!» جالپى اتاۋىمەن وتەتىن ءىس-شارالار ء«بىر ۇلت. ءبىر ماقسات. ءبىر قۇندىلىق» ەتنوستاردىڭ مادەنيەت كورمەسىمەن اشىلادى. تولەرانتتىلىقتىڭ ايقىن كورىنىسى رەتىندە ايشىقتالاتىن ەتنوستاردىڭ مادەنيەت كورمەسى شەڭبەرىندە وڭىردەگى 10-عا جۋىق ەتنومادەني بىرلەستىك وزدەرىنىڭ ۇلتتىق سالت-ءداستۇرى مەن مادەنيەتىنەن سىر شەرتەتىن جادىگەرلەردى كوپشىلىك نازارىنا ۇسىنباق», دەدى الماتى وبلىستىق قازاقستان حالقى اسسامبلەياسى حاتشىلىعىنىڭ باسشىسى جاندار اسان.
مەرەكەلىك ءىس-شارالار اياسىندا «The Spirit of Ethnos» اتاۋىمەن مادەني فەستيۆالى دە وتكىزىلمەك.
سونىمەن قاتار ءوڭىردىڭ وركەندەۋى جولىنداعى قاجىرلى قىزمەتى مەن ۇلتارالىق تاتۋلىقتى دارىپتەۋگە سىڭىرگەن ولشەۋسىز ەڭبەگى ءۇشىن بىرقاتار ازامات الماتى وبلىسى اكىمىنىڭ «العىس حاتىمەن» ماراپاتتالادى.
«مەرەكەنىڭ جاڭا جالپىحالىقتىق جانە كوپشىلىككە جاقىن فورماتىن تانىمال ەتۋگە قوعامدىق پىكىر كوشباسشىلارى مەن زيالى قاۋىم, اسىرەسە شىعارماشىلىق سالا مايتالماندارىن تارتۋعا ماڭىز بەرىلەدى», دەپ اتاپ ءوتتى ج. اسان.
