«بيىل 5 ملن تەڭگەگە دەيىن جىلدىق 2,5 پايىزبەن جاستارعا شاعىن نەسيە بەرۋدىڭ جاڭا مەحانيزمىن ەنگىزۋ جوسپارلانىپ وتىر. شاعىن نەسيە بەرۋ مەرزىمى 5 جىلعا دەيىن, مال شارۋاشىلىعى جوبالارىنا شاعىن نەسيە بەرۋ مەرزىمى 7 جىلعا دەيىن بەلگىلەندى. شاعىن نەسيەنىڭ ەڭ جوعارى سوماسى 5 ميلليون تەڭگەگە دەيىن, ال نومينالدى سىياقى مولشەرلەمەسى جىلدىق 2,5 پايىزدان اسپايدى. ال نەگىزگى قارىزدى وتەۋ جانە سىياقىنى تولەۋ بويىنشا جەڭىلدىك مەرزىمى شاعىن نەسيە بەرۋ مەرزىمىنىڭ 1/3 بولىگىنەن اسپايدى», دەدى ءسابيت جامانباەۆ.
سونداي-اق 20 اقپاننان باستاپ جاڭا بيزنەس-يدەيالاردى جۇزەگە اسىرۋعا ارنالعان وتەۋسىز گرانتتاردىڭ ءبىرىنشى لەگى بويىنشا وتىنىمدەردى قابىلداۋ باستالدى. وتىنىشتەر كەزەڭ-كەزەڭىمەن 4 اعىنمەن business.enbek.kz پورتالى ارقىلى قابىلدانادى. بيىل حالىقتىڭ الەۋمەتتىك وسال توپتارىنان 132 ازاماتقا گرانتتار بەرىلدى.
جۇمىس ىزدەۋشىلەر ءۇشىن دە, جۇمىس بەرۋشىلەر ءۇشىن دە وسى بەلسەندى جۇمىسپەن قامتۋ شارالارىنىڭ بارلىعى enbek.kz ەلەكتروندىق ەڭبەك بيرجاسىنىڭ پورتالىندا قولجەتىمدى. سونداي-اق جۇمىس بەرۋشىلەر جۇمىسپەن قامتۋ ورتالىعىنا حابارلاسپاي-اق بوس جۇمىس ورىندارىن وسى پورتالعا ورنالاستىرا الادى.
