قىزىلاعاشتىقتارعا 95 تەلەديدار تابىستالدى

بۇگىندە تەلەديدار كورۋ جا­ڭا­لىق ەمەس. بىراق, باسپاناسىز, بار جيعان-تەرگەنىنەن ءبىر ساتتە اجى­راعاندار ءۇشىن بۇل ۇلكەن قۋانىش. تەڭىز – تامشىدان دەمەكشى تاس­قىننان زارداپ شەككەن  قى­زىل­اعاش­تىقتارعا كورسەتىلىپ جاتقان الەۋمەتتىك-تۇرمىستىق جاعداي ءالى دە جالعاسۋدا. قولىنداعى بارى­مەن ءبولىسىپ, مۇندا اتباسىن بۇر­عاندار قا­تا­رى تولاستاماۋدا. قىزىلاعاش اۋى­لىندا بۇعان دەيىن 145 تۇرعىن جاڭا باسپاناعا يە بولسا, قازىر 215 ءۇيدىڭ شا­تىرى كوتەرىلىپ, 147-ءسىنىڭ ىشكى ارلەۋ جۇ­­مىستارى اياقتالۋعا جاقىن­داپتى. وسى ايدىڭ باسىندا تاعى دا 200 تۇرعىن جاڭا ۇيلەرگە قونىستانادى دەپ جوسپارلانعان. كۇنى كەشە تاسقىننان زارداپ شەك­كەن تۇرعىنداردىڭ جاعدايىن جاقسارتۋ ماقساتىمەن “اتاكەنت” اق-قا قاراستى “اقنيەت” قورى­نىڭ وكىلدەرى اۋىلعا ارنايى كە­لىپ, سىيلىقتارىن ۇسىندى. “اق­نيەت” قوعامدىق قورىنىڭ پرە­زيدەنتى بايان جۇماشەۆ اتالعان باسقارما قۇرامىنا كىرەتىن كاسىپ­كەرلەر 95 LG  “فلەترون” ءتۇرلى-ءتۇستى تەلەديدارىن تۇرعىندارعا تاپسىرىپ, ىستىق ءىلتيپاتتارىن ورتاعا سالدى. ءبىرىنشى كەزەكتە تەلەديدار الا­تىندار قاتارىنا ادام شىعىنى ورىن العان 16 وتباسى مەن كوپ بالالى انا­لار, ءبىرىنشى, ەكىنشى, ءۇشىنشى توپ­تارداعى مۇگەدەك وتبا­سى­لار قام­تى­لىپتى. قيىن ساتتە بارىن ءبولىسىپ, قايعى مەن قۋا­نى­شىنا ورتاق­تاس­قان­دارعا جۇرت ريزا بولىپ جاتىر. ءما­سەلەن, كور­شى­سىنىڭ كولىگىمەن جاڭا تەلە­ديداردى ۇيىنە جەتكىزۋگە اسىققان ورنىق­باي ۋپراقىمنىڭ قۋانىشىندا شەك جوق. بالالارى كينو, مۋلت­فيلم كورگىسى كەلەدى. تەلەدي­دار­دى توققا قوسقاندا ۇيدەگى انتەن­نا­نىڭ كۇشى وبلىستىق “جەتىسۋ” ار­نا­سىنىڭ باعدارلاماسىن تارا­تۋعا جەتتى. بالالار قۋانىپ, قول سوعىپ, ءماز. اۋىلداعى مادەني-تۇرمىستىق قىز­مەت كورسەتۋ جانە قالپىنا كەلتىرۋ جۇ­مىستارى ءالى دە قىزۋ جال­عاسۋدا. كو­شەلەرگە سۋ قۇبىرى تارتىلىپ, قۇدىق ورناتىلىپ, حالىق اۋىزسۋمەن تولىق قامتىلدى. سامالاداي جار­قىراعان ەلەكتر شامدارى دا حالىقتىڭ سۇرا­نىسىن قاناعات­تاندىرعان. ءساۋ­لەتتى, ءساندى ۇيلەرمەن قاتار كو­شە­لەردى ءجون­دەۋ جۇمىستارى جالعاسىپ, اسفالت توسەلۋدە. قىزىلاعاشتىقتارمەن قاتار اق­توعان مەن ەگىنسۋ اۋىل­دارىن­داعى قۇ­رىلىس جۇمىستارى دا قار­قىن الىپ, مۇندا 270 قۇرىلىسشى جۇمىس ىستەۋدە. اق­توعان اۋى­لىن­داعى 56 ءۇيدىڭ 6-ۋى پاي­دالانۋعا بەرىلسە, 35-ءىنىڭ قاب­ىرعاسى قا­لانىپ, 15-ءىنىڭ شاتىرى جا­بىلۋدا. ال, ەگىنسۋ اۋىلىنداعى سا­لىنۋعا ءتيىستى 21 ءۇيدىڭ 14-ءىنىڭ قا­بىرعاسى قالانعان.  ەندى ءبىراز ۋاقىتتا ال­عاش­قى ۇيلەر پايدالانۋعا بەرىل­مەكشى. كءۇمءىسجان بايجان. الماتى وبلىسى.