– كەز كەلگەن مەملەكەتتىڭ تىرەگى – ازاماتتىق قوعام. ۇكىمەتتىك ەمەس ۇيىم وكىلدەرى حالىق پەن بيلىك اراسىنداعى بايلانىستى نىعايتىپ, قوعامدىق ديالوگتىڭ قالىپتاسۋىنا ىقپال ەتەدى. مەملەكەت جىل سايىن الەۋمەتتىك ماڭىزى بار 2 مىڭ جوبانى ۇەۇ-مەن ءوزارا بايلانىس ارقىلى ىسكە اسىرىپ كەلەدى. جۇرگىزىلگەن جۇمىس ناتيجەسىندە, 2022 جىلى 500-دەن استام جۇمىس ورنى قۇرىلدى, 32 مىڭنان استام بەنەفيتسيار ناقتى كومەك الدى, ونىڭ ىشىندە 3000 ەرەكشە قاجەتتىلىگى بار, 60-تان استام الەۋمەتتىك قىزمەت پەن ورتالىق قۇرىلدى, – دەدى دارحان قىدىرالى.
مينيسترلىكتىڭ مالىمەتتەرىنە سۇيەنسەك, قازىرگى ۋاقىتتا ەلىمىزدە 22 مىڭنان استام ۇەۇ تىركەلگەن, ونىڭ 17 مىڭىنان استامى بەلسەندى جۇمىس ىستەيدى. سونىمەن قاتار بۇگىندە ازاماتتىق قوعام ينستيتۋتتارىن دامىتۋ ءۇشىن مينيسترلىك جۇيەلى كەشەندى جۇمىس جۇرگىزىپ جاتىر. ماسەلەن, 2022 جىلى 4 شىلدەدە ۆولونتەرلىك جانە قايىرىمدىلىقتى دامىتۋ ماسەلەلەرى جونىندە زاڭ قابىلداندى.
– وسىدان ءبىراز ۋاقىت بۇرىن قوعامدىق كەڭەستەر ماسەلەسى بويىنشا زاڭناماعا تۇزەتۋلەر ەنگىزىلدى. وسىلايشا, ولاردىڭ قىزمەت اياسىن كۆازيمەملەكەتتىك سەكتورعا دەيىن كەڭەيتۋگە مۇمكىندىك بەرىلدى. قوعامدىق كەڭەستەردەگى ازاماتتىق سەكتوردىڭ ۇلەسى 23,5 پايىزعا ارتىپ, قازىرگى ۋاقىتتا 86 پايىزدى قۇرادى. قوعامدىق كەڭەستەردىڭ قۇرامى 90 پايىزعا جاڭارتىلدى, – دەدى مينيستر.
سالتاناتتى جيىن سوڭىندا اقپارات جانە قوعامدىق دامۋ ءمينيسترى دارحان قىدىرالى ۇكىمەتتىك ەمەس ۇيىمداردىڭ وكىلدەرىنە العىس ءبىلدىرىپ, ماراپاتتادى.
