فوتو: lada.kz
قايعىلى وقيعا 25 اقپان كۇنى ساعات 11:42 شاماسىندا «ساي-وتەس-بەينەۋ» تاس جولىنىڭ 383-شاقىرىمىندا بولعان. الدىن الا مالىمەت بويىنشا, Toyota Camry جۇرگىزۋشىسى قارسى جولاققا شىعىپ كەتىپ, سوقتىعىسقان. جول اپاتى سالدارىنان كولىك وتقا وراندى.
وبلىستىق دەنساۋلىق ساقتاۋ باسقارماسىنىڭ مالىمەتىنشە, ءتورت ادام وقيعا ورنىندا كوز جۇمدى. تاعى ءبىر ادام بەينەۋ اۋداندىق اۋرۋحاناسىنا جاتقىزىلدى.
«ناۋقاس باس ميىنىڭ جابىق جاراقاتىن العان, باس ميىنىڭ كونتۋزياسى, سان سۇيەگىنىڭ ءديافيزىنىڭ جابىق سىنۋى, سول قولدىڭ ەكى سۇيەگىنىڭ اشىق سىنۋى, وكپەسىنىڭ كونتۋزياسى بار. ناۋقاستىڭ جاعدايى اۋىر», دەدى دەنساۋلىق ساقتاۋ باسقارماسىنان.
ەسكە سالا كەتەيىك, بۇعان دەيىن الماتى وبلىسىندا الماتى-قورعاس تاس جولىندا جۇك تيەگەن كولىك تاسىمالداۋشىلار جاپپاي اپاتقا ۇشىراعان ەدى. اپات سالدارىنان ەشكىم زارداپ شەككەن جوق.
