نيەتى وڭ نيدەرلاند ينۆەستيتسيا كولەمىن ارتتىرماق

نيدەرلاند كورولدىگى قازاق­ستاننىڭ ەڭ ءىرى ساۋدا سەرىك­تەس­تەرىنىڭ بەستىگىنە كىرەدى. كو­رول­دىك قۇيعان ينۆەستيتسيا كولەمى قازىر 100 ملرد دوللاردان استى. سىرتقى ىستەر مينيسترلىگىنىڭ حابارلاۋىنشا, نالدۆەيك قالا­سى­نىڭ «World Horti Center» حالىقارالىق باۋ-باقشا ورتا­لى­عىندا رەسمي تۇلعالار مەن بيزنەس قوعامداستىق وكىلدەرى ەكى ەلدىڭ ين­ۆەس­تيتسيالىق جوبالارىن تالقىلاعان. وسى ءىس-شارا ايا­سىندا ەل ماماندارى «MJ Tech» كومپانياسىنىڭ باسشىسى يۋريان ۆان دەن برەمورمەن كەز­دە­سىپ, ولجالى قايتقان.

– قازاقستاننىڭ ستراتەگيالىق ور­نالا­سۋىنىڭ قولايلىلىعىن ەسكەرە وتى­رىپ, كورشى ەلدەر ءۇشىن حاب بولا الاتىنىن جەتكىزگىم كەلەدى. سونداي-اق باۋ-باقشا, اۋىل شارۋاشىلىعى جانە باسقا دا سالالاردا قولدانىلاتىن جو­عا­رى قىسىمدى تۇمانداندىرۋ جۇيەلەرىن ءوندىرۋ جونىندەگى كە­لەسى حالىقارالىق جوبا قازاق­ستاندا ورنالاسۋى مۇمكىن, – دەپ قىزىعۋشىلىق تانىتتى يۋريان ۆان دەن برەمور.

ايتپاقشى, «MJ-Tech» وتبا­سى­لىق كومپانياسى – باۋ-باق­شا, اۋىل شارۋا­شى­لىعى جانە ونەركاسىپتە قولدانىلاتىن جوعا­رى قىسىمدى ىلعالداندىرۋ جۇ­يە­­لەرىن ءوندىرۋشى مەكەمە. كوم­پانيا جو­با­لاۋدان باستاپ ءونىم­دى جەتكىزۋ, مونتاجداۋ جانە پايدالانۋعا بەرۋ الدىندا تەستىلەۋگە دەيىنگى قاجەتتى جۇ­­مىس­­تار­دىڭ بارلىعىن تولىق جۇ­­زەگە اسىرادى. ونىڭ ونىمدەرى 50-دەن استام ەلدە قول­دانىلادى.

ال ۆەستلەند مۋنيتسي­پا­لي­تە­تىنىڭ مەرى باۋكە ارەندستىڭ ايتۋىنشا, قازاقستان مەن نيدەر­لاند سوڭعى وتىز جىلدا ساياسي, ەكو­نوميكالىق جانە مادەني سا­لا­لاردا بەرىك جانە سەنىمدى ىن­تى­ماقتاستىق ورناتتى. ەلدەر اگروونەركاسىپتىك, گەولو­گيا­لىق بارلاۋ, تاۋ-كەن ءوندىرۋ, مەتاللۋرگيا جانە ەلەكتروتەحنيكا سالالارىندا بىرلەسكەن جوبالاردى ىسكە اسىرۋدا زور مۇمكىندىكتەرگە يە. ءسىم ينۆەستيتسيا كو­ميتەتىنىڭ توراعاسى ارداق زەبەشەۆ تە نيدەرلاند قازاقستان ەكونوميكاسىنا سالعان ينۆەستورلاردىڭ كوشىن باستاپ كەلەتىنىن ايتادى. وتكەن 30 جىلدا تىكەلەي ينۆەستيتسيالار شامامەن 110 ملرد دوللاردى قۇرادى جانە بۇل كورسەتكىش جىل سايىن ارتىپ كەلەدى. كەيىنگى جىلدارى ساۋدا كولەمى تۇراقتى وسۋدە. بۇگىندە ەل نارىعىندا 900-دەن استام كومپانيا جۇمىس ىستەۋدە.

نەگىزى قازاقستاننىڭ ەۋرازيا ورتا­لى­عىنداعى ستراتەگيالىق ورنى, تابي­عي رەسۋرستاردىڭ كوپتىگى, ءوندىرىستىڭ تيىم­دى­لىگى جانە قولايلى ينۆەستيتسيالىق احۋال ەكونوميكانىڭ ءتۇرلى سەكتورلا­رىن­دا, اسىرەسە اگروونەركاسىپتىك كەشەن­دە­گى جوبالاردى ىسكە اسىرۋعا زور مۇم­كىن­دىك بەرە­دى. سونىمەن قاتار ەلىمىز مەملە­كەت­تىك قولداۋدىڭ كەشەندى شارالارىن, قولجەتىمدى جانە بىلىكتى جۇمىس كۇشىن ۇسىنادى. ءىرى الەم­دىك نارىقتارعا دا شىعا الا­دى. وسىنداي ارتىقشىلىقتار نيدەرلاندتىق كومپانيالاردى قىزىق­تى­رىپ وتىر. ناتيجەسىندە, «MJ Tech» پەن قازاقستان جىلىجايلار وداعى ارا­سىندا يرريگاتسيالىق جابدىقتار ءوندىرۋ جونىندەگى جوبانى ىسكە اسىرۋ ىنتى­ماقتاستىعى تۋرالى, «Royal GD» مەن اۋىل شارۋاشىلىعى مينيسترلىگى رەسپۋب­لي­كالىق ۆەتەرينارلىق زەرتحانالارى اراسىندا, سونداي-اق «قاراعاندى اۋىلشارۋاشىلىق تاجىريبە ستانساسى» جشس, «قازاق تو­پى­راقتانۋ جانە اگروحيميا عى­لىمي-زەرتتەۋ ينستيتۋتى» جشس جانە نيدەرلاندتىق «Royal Eijkelkamp» اراسىندا ۇشجاقتى مەموراندۋمعا قول قويىلدى.

سونداي-اق ءسىم حابار­لا­عان­داي, قازاق­س­تاندىق دەلەگاتسيا نالدۆەيك, روت­تەر­دام جانە گااگا قالالارىندا جەر­­گىلىكتى بيزنەس قوعامداستىق وكىل­دە­­رىمەن ەكى­جاقتى كەزدەسۋلەر وتكىزگەن. ما­سەلەن, «Invest International» ينۆەس­تي­تسيالىق قورىنىڭ باسشىسى ەلس حان­تيس­پەن جۇرگىزىلگەن كەلىسسوزدىڭ ناتيجەسى بويىنشا نيدەرلاند ۇكى­مە­تى قول­دا­نىس­تاعى بىرقاتار جوبا­نى ودان ءارى قارجىلاندىراتىن بولىپ, ين­ۆەستيتسيالىق جوبالار پۋلىن قا­لىپ­تاس­تى­رۋ تۋرالى كەلىسىم جاساسقان.