«2023 جىلعى 25 اقپاندا استانا-شىمكەنت كس-7307 رەيسى «ەيرباس-ا320» اۋە كەمەسىندە ساعات 05:40-قا جوسپارلانعان بولاتىن. اۋا رايىنىڭ قولايسىزدىعىنا بايلانىستى (شىمكەنت اۋەجايىندا قاتتى جەل) رەيستىڭ ۇشۋى كەيىنگە قالدىرىلدى جانە ودان ءارى توقتاتىلدى. رەيس مارتەبەسىنىڭ وزگەرۋىنىڭ بارلىق فاكتىسى بويىنشا جولاۋشىلارعا ءتيىستى حابارلامالار جىبەرىلدى», دەلىنگەن حابارلامادا.
ۆەدومستۆو مالىمەتىنشە, ۇشۋدى كۇتۋ كەزىندە قولدانىستاعى زاڭناماعا سايكەس جولاۋشىلارعا سالقىن سۋسىندار مەن ىستىق تاماق تاراتىلعان. ءوتىنىش بىلدىرگەن بارلىق جولاۋشىعا بيلەتتەردى تولىق قايتارۋ راسىمدەلگەن.
«ازاماتتىق اۆياتسيا كوميتەتى مەن قازاقستاننىڭ اۆياتسيالىق اكىمشىلىگى اتالعان فاكت بويىنشا قوسىمشا تەكسەرۋ جۇرگىزەدى جانە اۋە كومپانيا تاراپىنان بۇزۋشىلىقتار انىقتالعان جاعدايدا ءتيىستى شارالار قابىلدانادى. ازاماتتىق اۆياتسياداعى باستى باسىمدىق - ۇشۋ قاۋىپسىزدىگى», دەپ حابارلادى كوميتەت.
ەسكە سالا كەتەيىك, بۇعان دەيىن ەلوردا اۋەجايىندا جولاۋشىلار رەيستىڭ توقتاتىلۋىنا بايلانىستى جانجال شىعارعانىن حابارلاعان ەدىك.
