عاني بەيسەمباەۆ ءبىلىم بەرۋ جۇيەسىنىڭ ساپالى دامۋىنا جانە پەداگوگ مارتەبەسىن ودان ءارى دامىتۋ قاجەتتىلىگىنە ەرەكشە توقتالدى. وقۋ-اعارتۋ ءمينيسترىنىڭ ايتۋىنشا, جول كارتاسى ءبىلىم بەرۋ ساپاسىن ارتتىرۋعا باعىتتالعان 80-نەن اسا ءىس-شارانى قامتيدى. ونىڭ ىشىندە تاربيەشىلەردى وقىتۋ جانە اتتەستاتتاۋ ۇيىمداستىرىلادى, جاڭا مودەل بويىنشا دايارلىق كۋرستارىنىڭ مازمۇنى جاڭعىرتىلادى.
«ورتا ءبىلىم بەرۋدەگى وزەكتى ماسەلە – ءبىلىم مازمۇنى مەن ءبىلىم ساپاسى. 2020-2021 وقۋ جىلىندا مەكتەپتەردىڭ جاڭارتىلعان باعدارلامالارعا كوشۋى تولىق اياقتالىپ, ءبىلىم بەرۋدى كريتەريالدى باعالاۋ جۇيەسى ەنگىزىلدى. بۇل وتە ماڭىزدى وزگەرىس بولدى. الايدا مونيتورينگتىك زەرتتەۋلەرگە سايكەس جەكەلەگەن پاندەر بويىنشا وقۋ باعدارلامالارى جەتىلدىرۋدى قاجەت ەتەدى. سونىمەن قاتار ء«بىلىم بەرۋ ۇيىمدارى باسشىلارىنىڭ رەسپۋبليكالىق كادرلىق رەزەرۆى» جاساقتالادى. رەزەرۆتەگى مەنەدجەرلەردى «بولاشاق» باعدارلاماسى ارقىلى شەتەلدە تاعىلىمدامادان وتكىزۋ كوزدەلگەن. بۇدان باسقا ەلىمىزدىڭ وزىق تاجىريبەلى پەداگوگتەرىنىڭ رەسپۋبليكالىق بازاسى قۇرىلادى», دەدى عاني بەيسەمباەۆ.
كەزدەسۋ بارىسىندا ارنايى ءبىلىم بەرۋ, تاربيە جۇمىسى, بالالاردىڭ قاۋىپسىزدىگى جانە ينفراقۇرىلىمدى دامىتۋ ماسەلەلەرى تالقىلاندى.
جۇمىس ساپارى اياسىندا عاني بەيسەمباەۆ اباي اتىنداعى قازاق ءتىلى مەن ادەبيەتىن تەرەڭدەتىپ وقىتاتىن دارىندى بالالارعا ارنالعان رەسپۋبليكالىق ورتا مەكتەپ-ينتەرناتىنىڭ جۇمىسىمەن تانىستى.
سونىمەن قاتار ءبىر قاتار ءبىلىم مەكەمەلەرىنە بارىپ بالالار قاۋىپسىزدىگىنىڭ قامتاماسىز ەتىلۋى بارىسىمەن تانىستى.
