وقيعا Batyrball ويىنى كەزىندە بولعان. ەپيزودتاردىڭ بىرىندە بالۋان زەلىمحان مۇسيحانوۆ س. ساپيەۆكە قارسى كۇرەس ءادىسىن قولدانعان. ونىڭ بۇل ارەكەتى بوكسشىعا ۇناماي قالىپ, توبەلەس باستالعان. وزگە ويىنشىلار سپورتشىلاردى اجىراتىپ ۇلگەرگەن.
الايدا كەيىنىرەك كيىم اۋىستىراتىن بولمەدە داۋ قايتا جالعاسقان. ساپيەۆ پەن مۇسيحانوۆ ءبىر-ءبىرىنىڭ قولىن العان. بىراق قايتا توبەلەسە جازداعان.
«سەن ماعان «ەندى ولاي جاساما» دەيسىڭ. مەن دە قىزبا اداممىن», دەدى س. ساپيەۆ.
بۇدان سوڭ, داۋعا بالۋاننىڭ جاتتىقتىرۋشىسى ارالاسىپ, ساپيەۆكە: «مەن ونىڭ جەكە جاتتىقتىرۋشىسىمىن. سەن بۇل ەرەجەلەرگە ءوزىڭ كەلىستىڭ عوي. سەن وليمپيادا چەمپيونىسىڭ عوي, جاس بالانى ۇرىپ جاتىرسىڭ! ۇيالمايسىڭ با؟ قانداي ۇلگى بەرىپ جاتىرسىڭ؟», دەدى.
سوڭىندا س. ساپيەۆ پەن بالۋان قول الىسىپ, تارقاستى.
