اسىرەسە, جاسوسپىرىمدەر اراسىندا بۋللينگكە ۇشىراۋ قاۋپى جوعارى: بالالاردىڭ ۇشتەن ءبىرى قورلىققا ۇشىرايدى. دۇنيەجۇزىندە 13-15 جاس ارالىعىنداعى ءاربىر ءۇشىنشى وقۋشى مەكتەپتە وسىنداي قۋدالاۋعا تاپ بولادى. ال قازاقستاندا جاس ينتەرنەت قولدانۋشىلاردىڭ كيبەربۋللينگكە بەيىمدىلىگى قر دەنساۋلىق ساقتاۋ مينيسترلىگىنىڭ ۇلتتىق قوعامدىق دەنساۋلىق ساقتاۋ ورتالىعىنىڭ زەرتتەۋىنە سايكەس, كەيىنگى 4 جىلدا 1%-عا پايىزعا وسكەن.
وسى ماسەلە وراي, قىسقا بەينەروليكتەردى كورۋ مەن جاساۋعا ارنالعان TikTok جەتەكشى پلاتفورماسى يۋنيسەف-پەن بىرگە جانە قر ءبىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ قولداۋىمەن بىلتىر ىسكە قوسىلعان ءارى قازاقستاندا قولدانۋشىلاردىڭ تسيفرلى ساۋاتىن ارتتىرۋعا باعىتتالعان «قاۋىپسىزدىك اكادەمياسى» ناۋقانىن جالعاستىراتىن بولدى. اۋقىمدى ناۋقاننىڭ ەكىنشى كەزەڭى ونلاين-كەڭىستىكتەگى بۋللينگ پروبلەماسىنا ارنالعان.
جوبا اياسىندا يۋنيسەف پەن قر وقۋ-اعارتۋ مينيسترلىگىنىڭ بالالار قۇقىقتارىن قورعاۋ كوميتەتىنىڭ تانىمال ساراپشىلارى – سانجار ءمادي, ءشارىپ سەرىك, نۇرلان باتىروۆ, عايني كەل پەن ميتيا باينازاروۆ ونلاين-قۋدالاۋ تاقىرىبىنا بايلانىستى ماڭىزدى ماسەلەلەردى تالقىلايتىن تىكەلەي ەفيرلەر سەرياسىن وتكىزىپ, بۇل قانداي قۇبىلىس, ول نەگە پايدا بولادى جانە ونى قالاي تانيمىز, كيبەربۋللينگتەن قورعاۋدىڭ قانداي ادىستەرى بار دەگەن ساۋالدارعا جاۋاپ بەرمەك.
سونىمەن قاتار TikTok-تاعى تانىمال كونتەنت اۆتورلارى ينتەرنەتتەگى قورلاۋدان قالاي قورعانۋعا بولاتىنى تۋرالى جەكە وقيعالارىن, ءبىلىمى مەن كەڭەستەرىن بولىسەتىن تانىمدىق ۆيدەولار ازىرلەگەن.
سونىمەن #پوزيتيۆسىيلا (#داريپوزيتيۆ) دەپ اتالاتىن جوبا عالامتوردا مەيىرىمدى دە ساۋ احۋال قالىپتاستىرۋعا, سونداي-اق بارلىق جاستاعى TikTok قولدانۋشىلارىن پسيحولوگيالىق قىسىمنان, دورەكى پىكىرلەردەن جانە باسقا دا ونلاين قۋدالاۋ كورىنىستەرىنەن قورعاۋعا ۇيرەتۋگە ارنالعان.
الدىمەن 27 اقپاننان باستاپ پلاتفورمادا پسيحولوگيا, قۇقىق جانە بالالار قاۋىپسىزدىگى سالاسىنداعى جەتەكشى ساراپشىلارمەن كيبەربۋللينگ تاقىرىبىندا تىكەلەي ەفيرلەر وتەدى, ال مودەراتورلار مادەنيەت جانە كينو سالاسىنداعى تانىمال قايراتكەرلەر, ولاردىڭ اراسىندا اكتەرلەر سانجار ءمادي مەن ءشارىپ سەرىك, ينفليۋەنسەر نۇرلان باتىروۆ, مۋزىكالىق ورىنداۋشى عايني كەل, سونىمەن قاتار, شوۋمەن ءارى TikTok-تا تانىمدىق ۆيدەولار اۆتورى ميتيا باينازاروۆ بار.
27 اقپاندا ساعات 18:00-دە – «Just Support» قورىنىڭ اتقارۋشى ديرەكتورى, پسيحولوگيا ماگيسترى جانە وتباسىلىق پسيحولوگ سۆەتلانا بوگاتىرەۆا, قولدانۋشىلاردىڭ ءوزىن جانە جاقىندارىن وسى پروبلەمادان قالاي قورعاي الاتىنى تۋرالى باياندايدى;
28 اقپاندا ساعات 12:00-دە - يۋنيسەف-ءتىڭ «Be Kind» ەرىكتىلەر باعدارلاماسىنىڭ جاتتىقتىرۋشىسى, پسيحولوگ جانە ارت-تەراپەۆت ۆلاديمير الەكسانين, جالپى كيبەربۋللينگ ماسەلەسى تۋرالى اڭگىمەلەپ, ونى قالاي تانۋعا بولاتىنى تۋرالى كەڭەستەرىن بولىسەدى;
1 ناۋرىزدا ساعات 12:00-دە – بالالار قاۋىپسىزدىگى بويىنشا جاتتىقتىرۋشى, «انگەل» بالالار قاۋىپسىزدىگى ورتالىعىنىڭ جەتەكشىسى زارينا جۇماعۇلوۆا جاسوسپىرىمدەر ورتاسىندا ونلاين-بۋللينگكە قاتىستى ماسەلەلەردى تالقىلايدى;
2 ناۋرىزدا ساعات 12:00-دە – حاليدا اجىعۇلوۆا, زاڭ عىلىمدارىنىڭ دوكتورى, قۋدالاۋ مەن كيبەربۋللينگتەن قورعاۋ بويىنشا جاتتىقتىرۋشى, بالالار قۇقىعىن قورعاۋ جونىندەگى قۇقىققورعاۋشى جاسوسپىرىمدەرمەن كەڭەستەرىن بولىسەدى جانە جەلىدە قورقىتۋدىڭ الدىن الۋعا كومەكتەسەتىن پراكتيكالىق قۇرالدار تۋرالى اڭگىمەلەيدى.
6 ناۋرىزدا ساعات 14:00-دە – «نازارباەۆ زياتكەرلىك مەكتەپتەرى» دببۇ پسيحولوگ-پەداگوگتەرى ايدا ەسىرگەپوۆا مەن جاننا ارىنباەۆا جاسوسپىرىمدەر اراسىنداعى مەكتەپتەردەگى كيبەربۋللينگ جانە وسى باعىتتا جۇرگىزىپ جاتقان پروفيلاكتيكالىق جۇمىستار تۋرالى اڭگىمەلەيدى.
جوباعا ارناپ اتاقتى ادامدار مەن تانىمال TikTok كرەاتورلارى قولدانۋشىلارعا قورلاۋ مەن قاجەتسىز قارىم-قاتىناستان قورعاۋعا كومەكتەسەتىن پلاتفورما قۇرالدارى تۋرالى ۆيدەولار ءتۇسىرىپ وتىر.
