الماتى قالاسى توتەنشە جاعدايلار دەپارتامەنتىنىڭ حابارلۋىنشا, اقپاننىڭ 25-ءى مەن 27-ءى ارالىعىندا قاتتى جاۋىن-شاشىن, سونداي-اق تەمپەراتۋرالىق فوننىڭ جوعارىلاۋى, قاردىڭ قارقىندى ەرۋى, مۇزداردىڭ السىرەۋى جانە وزەندەردەگى سۋ دەڭگەيىنىڭ كوتەرىلۋى كۇتىلەدى.
«بۇگىنگى تاڭدا اۋدان اكىمدىكتەرىنىڭ مەردىگەرلىك جانە كوممۋنالدىق قىزمەتتەرىمەن 1154 شاقىرىم ارىق جەلىلەرى قوقىس پەن قاردان تازارتىلدى. بۇل باعىت بويىنشا كۇن سايىن جۇمىستار جۇرگىزىلىپ جاتىر», دەپ اتاپ ءوتتى تجد.
سونىمەن قاتار توتەنشە جاعدايلار دەپارتامەنتىنىڭ مالىمەتىنشە, تاۋلاردا قار كوشكىنى ءجۇرۋ قاۋپى ساقتالادى.
«24-25 اقپاندا ۇلكەن جانە كىشى الماتى وزەندەرىنىڭ باسسەيندەرىندە قار كوشكىنى ءجۇرۋى مۇمكىن. وسىعان بايلانىستى قار كوشكىنىن تۋدىرماۋ ءۇشىن قار باسقان بەتكەيلەرگە شىعۋعا تىيىم سالىنادى. تاۋدا جاياۋ سەرۋەندەۋگە بولمايدى», دەپ تولىقتىردى مينيسترلىك.
