ازاماتتىق اۆياتسيا كوميتەتىنىڭ رەسمي مالىمدەمەسىنە سايكەس, وتىرىسقا ۇشۋعا جارامدىلىق, ۇشۋدى پايدالانۋ, اەروناۆيگاتسيا, ليتسەنزيالاۋ, اۆياتسيا مەديتسيناسى, ىزدەستىرۋ-قۇتقارۋ جانە ۇشۋ قاۋىپسىزدىگى دەپارتامەنتتەرىنىڭ وكىلدەرى قاتىستى.
«اۋە وقيعاسى بولعان مي-8 اۋە كەمەسىنىڭ ۇشۋعا جارامدىلىق سەرتيفيكاتى 2022 جىلعى 03 مامىردا بەرىلدى. تىكۇشاق 2021 جىلعى 27 قاڭتاردا شىعارىلعان. قازاقستان رەسپۋبليكاسىنىڭ ازاماتتىق اۋە كەمەلەرىنىڭ مەملەكەتتىك تىزىلىمىندە 2022 جىلعى 14 ساۋىردە تىركەلگەن (كۋالىك ءنومىرى 1273, اۋە كەمەسىنىڭ مەملەكەتتىك جانە تىركەۋ تانۋ بەلگىسى UP-MI874)», دەپ حابارلادى قگا ءباسپاسوز قىزمەتى.
سونداي-اق قازاقستاننىڭ اۆياتسيالىق اكىمشىلىگى مي-8 ۇشاقتارىن پايدالاناتىن اۆياكومپانيالاردىڭ قىزمەتىنە جوسپاردان تىس تەكسەرۋ جۇرگىزەتىنى ايتىلدى.
«تەكسەرۋلەر ناتيجەلەرى بويىنشا جۇيەلى بۇزۋشىلىقتار انىقتالعان جاعدايدا ۇشۋ قاۋىپسىزدىگىنىڭ بارلىق ماسەلەلەرى شەشىلگەنگە دەيىن ءتيىستى سەرتيفيكاتتار مەن كۋالىكتەر توقتاتىلادى», دەلىنگەن حابارلامادا.
