ەندى جوعارىداعى ساندى جىپكە ءتىزىپ كورەيىك. ءوڭىر ورتالىعى تالدىقورعان قالاسىندا 31, تەكەلى قالاسىندا 1, كوكسۋ اۋدانىندا 1 جاعداي تىركەلگەن. كوبىندە بۇل قىلمىستىڭ ءتۇرى ۇيالى تەلەفونداردى قولدانۋ ارقىلى جاسالعان. الاياقتار بانكتىك اقپاراتقا قول جەتكىزۋ ءۇشىن ازاماتتاردىڭ قاجەتتى جەكە مالىمەتىن الۋدىڭ ءتۇرلى ءتاسىلىن قولدانىپ, قاقپانعا تۇسىرەدى. ماسەلەن, تالدىقورعان قالالىق پوليتسيا باسقارماسى ف. ەسىمدى ازاماتتىڭ ارىزى بويىنشا تەرگەپ-تەكسەرۋ جۇرگىزۋ ۇستىندە. بەلگىسىز بىرەۋلەر ونىڭ اتىنان ونلاين نەسيە راسىمدەپ, قاراجات جىمقىرعانى انىقتالعان. كىشى ادىلەت كەڭەسشىسى جايىق مۇقانوۆتىڭ ايتۋىنشا, الاياقتار ادامداردى كوبىنە نەسيە راسىمدەلگەنى تۋرالى جاڭىلىستىرادى.
«ولار بىردەن بانك كارتاسى بويىنشا مالىمەتتەردى, كارتوچكا ءنومىرىن, بانك كارتاسىنىڭ ارتقى جاعىندا ورنالاسقان «CV» كودىن حابارلاۋدى سۇرايدى. ول از دەسەڭىز, «WhatsApp» مەسسەندجەرى ارقىلى قوڭىراۋلاردى پايدالانادى. ويتكەنى «WhatsApp» قوڭىراۋلاردى باقىلاۋ قيىن, الاياقتار ەل ىشىندە دە, ودان تىس جەرلەردە دە بولۋى مۇمكىن. سونىمەن قاتار ينتەرنەت-الاياقتىق «كولەسا», «كرىشا», «OLX» ينتەرنەت سايتتارىن پايدالانۋ ارقىلى دا جاسالادى. ء«بىر ايتا كەتەرلىگى, وسىنداي ەپيزودتارعا ۇقساس قىلمىستىق ىستەردى ەلىمىزدىڭ بارلىق ايماعىنان كەزىكتىرۋگە بولادى. ينتەرنەت-الاياقتىق قازىرگى قوعامنىڭ ەڭ وزەكتى ءارى ماڭىزدى ماسەلەسىنە اينالدى», دەيدى ج.مۇقانوۆ.
تاعى ءبىر ايتا كەتەرلىك جايت, «Instagram», «Telegram», «Facebook», «ۆكونتاكتە» سەكىلدى ەل ىشىندە بەدەلگە يە الەۋمەتتىك جەلىلەر ارقىلى م ۇلىكتى ساتۋ تۋرالى حابارلاندىرۋدى جاريالاۋ كەزىندە دە اباي بولعان دۇرىس. ولار قىمبات زاتتاردىڭ وتە تومەن قۇنىن پايدالانادى. وسىلايشا, ساتىپ الۋشىلاردى وزىنە تارتادى ەكەن.
ايتپاقشى, جەتىسۋدا الاياقتىقتان بولەك, اۋديتورلىق تەكسەرىستەن كەيىن انىقتالعان قارجى قىلمىستارى دا كوبەيگەن. بۇل باعىتتاعى ءتارتىپ بۇزۋشىلىقتاردىڭ جالپى سوماسى 2 138 275,5 مىڭ تەڭگەنى قۇراپ وتىر. ونىڭ ىشىندەگى 758 028,5 مىڭ تەڭگە قارجىلىق بولسا, 1 380 247,0 مىڭ تەڭگە راسىمدىك سيپاتتاعى بۇزۋشىلىقتارعا جاتادى. جالپى, وڭىردە اۋديتپەن قامتىلعان قاراجات كولەمى 2 535 973,3 مىڭ تەڭگە, ونىڭ ىشىندە باقىلاۋمەن قامتىلعان مەملەكەتتىك ساتىپ الۋ سوماسى 526 727 مىڭ تەڭگە.
«جەتىسۋ وبلىستىق ىشكى مەملەكەتتىك اۋديت دەپارتامەنتى بىلتىر كوميتەت تاپسىرمالارىنىڭ نەگىزىندە قۇقىق قورعاۋ ورگاندارىنان جىبەرىلگەن شاعىمدار مەن وتىنىشتەرگە, سونداي-اق جەكە جانە زاڭدى تۇلعالاردىڭ وتىنىشتەرى بويىنشا جوسپاردان تىس 18 اۋديتورلىق ءىس-شارا جۇرگىزىپ, بىرقاتار كەمشىلىكتى انىقتادى», دەيدى وبلىستىق ىشكى مەملەكەتتىك اۋديت دەپارتامەنتىنىڭ ءبولىم باسشىسى جايلاۋ شايمەردەنوۆ.
ەسەپتى كەزەڭدە انىقتالعان زاڭسىزدىقتاردى جويۋ جانە ولارعا جول بەرگەن جاۋاپتى تۇلعالاردى تەكسەرۋ ماقساتىندا اۋديت نىساندارىنا 17 نۇسقاما جىبەرىلىپ, 2 لاۋازىمدى تۇلعا تارتىپتىك جاۋاپكەرشىلىككە تارتىلعان. سونداي-اق دەپارتامەنت ماماندارى اۋديتورلىق ءىس-شارالاردىڭ ناتيجەسى بويىنشا 14 لاۋازىمدى تۇلعاعا اكىمشىلىك جازا رەتىندە 1056,3 مىڭ تەڭگە ايىپپۇل سالعان. بۇگىندە قارجى تولىق كولەمدە وندىرىلگەن. ودان بولەك 2 اۋديتورلىق ءىس-شارانىڭ قورىتىندى ماتەريالدارى قۇقىق قورعاۋ ورگاندارىنىڭ قاراۋىنا بەرىلگەن. دەپارتامەنت «مەملەكەتتىك اۋديت جانە قارجىلىق باقىلاۋ تۋرالى» زاڭنىڭ 30-بابىنا سايكەس وبلىستاعى ۇيىمداستىرۋشىلار, تاپسىرىس بەرۋشىلەر وتكىزەتىن مەملەكەتتىك ساتىپ الۋلارعا تۇراقتى نەگىزدە كامەرالىق باقىلاۋ جۇرگىزەدى. ماسەلەن, بىلتىر جالپى سوماسى 31,1 ميلليارد تەڭگەدەن استام مەملەكەتتىك ساتىپ الۋدىڭ 3 229 لوتى كامەرالىق باقىلاۋمەن قامتىلعان. ونىڭ قورىتىندىسى بويىنشا 804 لوتتا 6,8 ميلليارد تەڭگەنىڭ زاڭ بۇزۋشىلىعى انىقتالىپ, ونى جويۋ تۋرالى 804 حابارلاما جىبەرىلگەن.
جەتىسۋ وبلىسى
