اكىمدىك كاسىپكەرلەردىڭ بۇعان دەيىن يگەرىلمەگەن جەرىنە قوسىمشا جەر تەلىمدەرىن بەرىپ كەلگەن. ماسەلەن, ءبىر كاسىپكەر جاعاجايدان قوناق ءۇي سالۋ ءۇشىن اۋماعى 1,5 گەكتار جەر, ارتىنشا تاعى 1,4 گەكتار جەر العان. كەيىن ونى ءوزى يگەرمەگەن كۇيى باسقا ادامعا ساتىپ جىبەرگەن.
ماماندار وسىعان ۇقساس جاعدايلار وتە كوپ كەزدەسەتىنىن اتاپ ءوتتى. ءتىپتى, بۇل ىستە سىبايلاس جەمقورلىق تاۋەكەلى بولۋى مۇمكىن ەكەنىن دە جوققا شىعارمادى. الايدا, اقتاۋ قالاسىنىڭ اكىمدىگى بۇعان قاتىستى ەشقانداي مالىمدەمە جاسامادى.
ء«تۋريزمدى دامىتۋعا ارنالعان 21 جەر تەلىمى نەگىزسىز ساتىلعانى انىقتالدى. قازىرگى تاڭدا ماڭعىستاۋ وبلىسىنىڭ جەر رەسۋرستارىن باسقارۋ دەپارتامەنتىنە ەنگىزىلگەن ۇسىنىمعا سايكەس جالپى كولەمى 43 گەكتاردى قۇرايتىن جەر تەلىمىن مەملەكەتكە قايتارۋ ماسەلەسى بويىنشا سوتقا تالاپ-ارىز بەرىلىپ جاتىر», دەدى ماڭعىستاۋ وبلىستىق سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ مىندەتىن اتقارۋشى شامۇرايت شامەنوۆ.
