«وتكەن جىلى قالا ەكونوميكاسىنا تارتىلعان ينۆەستيتسيا كولەمى 13,8 پايىزعا ارتىپ, 549,4 ميلليارد تەڭگەگە جەتكەن. شاعىن جانە ورتا بيزنەس سۋبەكتىلەرىنىڭ سانى 110 مىڭنان اسقان. جالپى وڭىرلىك ءونىم كولەمىنىڭ 40,7 پايىزى وسى سالاداعى كاسىپكەرلەرگە تيەسىلى. مەملەكەت باسشىسىنىڭ تاپسىرماسى بويىنشا بيىل قالانىڭ دامۋ پەرسپەكتيۆاسىن ەسكەرە وتىرىپ, جاڭا باس جوسپار بەكىتىلمەك. جىل سوڭىنا دەيىن قالا توڭىرەگىندەگى اۋدانداردىڭ تۇرعىندارى اۋىزسۋمەن جانە ەلەكتر قۋاتىمەن تولىق قامتاماسىز ەتىلەدى. «جايلى مەكتەپ» ۇلتتىق جوباسى اياسىندا شىمكەنتتە 25 مەكتەپ سالۋ جوسپارلانعان», دەدى اكىم.
قاسىم-جومارت توقاەۆ مۇرات ايتەنوۆكە الەۋمەتتىك ماسەلەلەردى شەشۋ, قالا تۇرعىندارىنىڭ تۇرمىس ساپاسىن ارتتىرۋ, سونداي-اق شىمكەنت قالاسىن ودان ءارى دامىتۋ جونىندە بىرقاتار مىندەت جۇكتەدى.
