تەلەارنانىڭ حابارلاۋىنشا, باس پروكۋراتۋرا ەلدىڭ 11 پروۆينتسياسىندا قۇرىلىس جۇمىستارىن دۇرىس جۇرگىزبەدى دەگەن ايىپپەن 564 كۇدىكتىنى انىقتاعان. وسىلايشا, ولاردىڭ 160-ى قاماۋعا الىنسا, 175-ىنە سوت باقىلاۋ ورناتقان.
بۇدان بولەك 71 كۇدىكتىگە تۇتقىنداۋ جانە تاعى 61 كۇدىكتىگە قاماۋعا الۋ تۋرالى وردەرلەر بەرىلگەن. سونداي-اق تاعى التى ادامنىڭ شەتەلدە ەكەندىگى انىقتالدى. سول سياقتى اتالعان ىستە كۇدىكتى دەپ تانىلعان 11 ادام قايتىس بولعانى بەلگىلى بولدى.
تۇرىك پوليتسياسى جەر سىلكىنىسىنەن زارداپ شەككەن اۋداندارداعى ۇرلىق, توناۋ جانە الاياقتىق فاكتىلەرىن دە تەكسەرىپ جاتىر. اتالعان فاكتىلەر بويىنشا 282 ادام كۇدىكتى رەتىندە تانىلىپ, ولاردىڭ 181-ءى قاماۋعا الىنعان.
