«Air Arabia» اۋە كومپانياسى الماتى-شاردجا باعىتى بويىنشا رەيس كەشىكتىرىلگەن كەزدە قازاقستان رەسپۋبليكاسىنىڭ قولدانىستاعى زاڭناماسىندا كوزدەلگەن قىزمەتتەردى (الكوگولسىز سۋسىنداردى) ۇسىنباعان. وسىعان بايلانىستى كومپانياعا اكىمشىلىك قۇقىق بۇزۋشىلىق تۋرالى كودەكستىڭ 567-بابىن بۇزعانى ءۇشىن 200 اەك (690 مىڭ تەڭگە) مولشەرىندە اكىمشىلىك ايىپپۇل سالىندى.
«ازاماتتىق اۆياتسيا كوميتەتى جۇرگىزىلىپ جاتقان جۇمىس اياسىندا جولاۋشىلاردىڭ قۇقىقتارىن ساقتاۋ بولىگىندە قازاقستاننىڭ قولدانىستاعى زاڭناماسىنىڭ تالاپتارىن ساقتايدى جانە اۋە تاسىمالداۋشىلارى تاراپىنان بۇزۋشىلىق فاكتىلەرى انىقتالعان جاعدايدا بەلگىلەنگەن تارتىپتە شارالار قابىلدايدى», دەپ اتاپ ءوتتى ۆەدومستۆو وكىلدەرى.
ازاماتتىق اۆياتسيا وكىلدەرى وسى تالاپتار بويىنشا قازاقستان رەسپۋبليكاسى زاڭناماسىن بۇزعان وتاندىق جانە شەتەلدىك اۋە كومپانيالارىن جاۋاپكەرشىلىككە تارتۋ جۇمىستارى جالعاسىپ جاتقانىن ايتتى.
