قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) بۇيرىعى №56

2014 جىلعى 13 اقپان, استانا قالاسى قارجى پوليتسياسى ورگاندارىنىڭ ورتا باسشى قۇرامداعى لاۋازىمدارىنا ءبىرىنشى رەت قابىلداناتىن ادامدار ءۇشىن ارنايى باستاپقى وقۋدان ءوتۋ قاعيدالارى مەن شارتتارىن بەكىتۋ تۋرالى «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ 2011 جىلعى 6 قاڭتارداعى زاڭىنىڭ 11-بابىنىڭ 2-تارماعىنا سايكەس, سونداي-اق «قازاقستان رەسپۋبليكاسىنىڭ قارجى پوليتسياسى ورگاندارى تۋرالى» قازاقستان رەسپۋبليكاسىنىڭ 2002 جىلعى 4 شىلدەدەگى زاڭىنىڭ 7-بابى 3-تارماعىنىڭ 5) تارماقشاسىن باسشىلىققا الا وتىرىپ, بۇيىرامىن: 1. قوسا بەرىلىپ وتىرعان قارجى پوليتسياسى ورگاندارىنىڭ ورتا باسشى قۇرامداعى لاۋازىمدارىنا ءبىرىنشى رەت قابىلداناتىن ادامدار ءۇشىن ارنايى باستاپقى وقۋدان ءوتۋ قاعيدالارى مەن شارتتارى بەكىتىلسىن. 2. قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسىنىڭ) (بۇدان ءارى - اگەنتتىك) كادرلار باسقارماسى, قارجى پوليتسياسى اكادەمياسى قۇقىقتىق قامتاماسىز ەتۋ جانە حالىقارالىق ىنتىماقتاستىق دەپارتامەنتىمەن بىرلەسە وتىرىپ, وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن جانە ونىڭ قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپتە رەسمي جاريالانۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ اگەنتتىك توراعاسىنىڭ ءبىرىنشى ورىنباسارىنا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. توراعا ر. تۇسىپبەكوۆ. قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى) توراعاسىنىڭ 2014 جىلعى 13 اقپانداعى №56 بۇيرىعىنا قارجى پوليتسياسى ورگاندارىنىڭ ورتا باسشى قۇرامداعى لاۋازىمدارىنا ءبىرىنشى رەت قابىلداناتىن ادامداردىڭ ارنايى باستاپقى وقۋدان ءوتۋ قاعيدالارى مەن شارتتارى 1. جالپى ەرەجەلەر 1. وسى قارجى پوليتسياسى ورگاندارىنىڭ ورتا باسشى قۇرامداعى لاۋازىمدارىنا ءبىرىنشى رەت قابىلداناتىن ادامداردىڭ ارنايى باستاپقى وقۋدان ءوتۋ قاعيدالارى مەن شارتتارى (بۇدان ءارى - قاعيدالار) «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ 2011 جىلعى 6 قاڭتارداعى زاڭىنىڭ 11-بابىنىڭ 2-تارماعىنا سايكەس ازىرلەنگەن جانە قارجى پوليتسياسى ورگاندارىنىڭ (بۇدان ءارى - قپو) ورتا باسشى قۇرامداعى لاۋازىمدارىنا ءبىرىنشى رەت قابىلداناتىن ۇمىتكەرلەردىڭ ارنايى باستاپقى وقىتۋدان ءوتۋ ءتارتىبى مەن شارتتارىن بەلگىلەيدى. 2. قپو-عا ءبىرىنشى رەت قابىلداناتىن ادامدار قىزمەتتىك مىندەتتەرىن اتقارۋ ءۇشىن قاجەتتى ءبىلىم, ىسكەرلىك, داعدى جانە مىنەز-ق ۇلىق نورمالارىن مەڭگەرۋ ءۇشىن ارنايى باستاپقى وقىتۋدان (بۇدان ءارى - ابو) وتەدى. 3. ابو قابىلدانعان ادامداردى كۇتىپ ۇستاۋ بيۋدجەت قاراجاتى ەسەبىنەن جۇزەگە اسىرىلادى. 4. ابو قارجى پوليتسياسى اكادەمياسىنىڭ (بۇدان ءارى – اكادەميا) كاسىبي قايتا دايارلاۋ جانە بىلىكتىلىكتى ارتتىرۋ فاكۋلتەتى بازاسىندا جۇزەگە اسىرىلادى. 5. وقۋ ءۇردىسىنىڭ مازمۇنى قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى) (بۇدان ءارى – اگەنتتىك) توراعاسىنىڭ اكادەمياعا جەتەكشىلىك ەتەتىن ورىنباسارىمەن كەلىسىلەتىن وقۋ-تاقىرىپتىق جوسپارىمەن بەلگىلەنەدى جانە اكادەميا باستىعىمەن بەكىتىلەدى. 2. ارنايى باستاپقى وقىتۋعا قابىلداۋ جانە ءوتۋ ءتارتىبى 6. ابو جىبەرۋ ءۇشىن قپO-عا ادامداردى ىرىكتەۋدى جانە جەكە ىستەرىن رەسىمدەۋدى قپو كادر بولىمشەلەرى جۇزەگە اسىرادى. 7. ابو-عا تىڭداۋشىلاردىڭ ۇيىمداستىرۋشىلىق جانە وقۋ-ادىستەمەلىك قامتاماسىز ەتىلۋىن اكادەميا جۇزەگە اسىرادى. 8. اكادەميا اگەنتتىكتىڭ كادرلار باسقارماسىمەن بىرلەسە وتىرىپ, ابو كۋرستارىنىڭ ءار كۇنتىزبەلىك جىلعا ارنالعان جوسپار-كەستەسىن (بۇدان ءارى – جوسپار-كەستە) جانە ابو وتۋگە جاتاتىن قىزمەتكەرلەردىڭ سانىنا تارتىپتەمە ازىرلەيدى, ولار اگەنتتىك توراعاسىنىڭ جەتەكشىلىك ەتەتىن ورىنباسارىمەن كەلىسىلەدى جانە اكادەميا باستىعىمەن بەكىتىلەدى. 9. جوسپار-كەستەدە وقىتۋ مەرزىمدەرى, ابو كۋرستارىنىڭ ۇزاقتىعى مەن سانى كورسەتىلەدى. ابو ۇزاقتىعى 2 ايدى (60 كۇنتىزبەلىك كۇندى) قۇرايدى. 10. قپو كادر بولىمشەلەرى تارتىپتەمەنىڭ جانە جوسپار-كەستەنىڭ تولىق كولەمدە ورىندالۋىن قامتاماسىز ەتەدى. 11. اۋماقتىق قپو جانە اگەنتتىكتىڭ كادرلار بولىمشەلەرى ابو-عا جىبەرۋ الدىندا ۇمىتكەرلەردىڭ سىرتقى ءپىشىنىن, كەرەك-جاراعىن تەكسەرەدى جانە ابو جىبەرىلەتىن ۇمىتكەرلەردىڭ جولدا جانە وقۋ ۇردىسىندە وزدەرىن ۇستاۋ قاعيدالارى جونىندە نۇسقاما جۇرگىزەدى. 12. ابو-عا ۇمىتكەرلەر اكادەمياعا ۋاقتىلى كەلۋگە ءتيىس جانە وزىمەن بىرگە: 1) قازاقستان رەسپۋبليكاسى ىشكى ىستەر مينيسترلىگىنىڭ وكرۋگتىك اسكەري-دارىگەرلىك كوميسسياسىنىڭ دەنساۋلىق جاعدايى تۋرالى مەديتسينالىق قورىتىندىسى; 2) جۇمىس ورنىنان انىقتاما, كوكشىل سۇر ءتۇستى كامۋفلياجدىق نىسانى, سونداي-اق سپورتتىق كيىمى; 3) جەكە گيگيەنالىق زاتتارى جانە قاجەتتى جازبا جابدىقتارى بولۋى مىندەتتى. 13. ابو ۇمىتكەرلەردىڭ وقۋ ورنىنا تەمىرجول كولىگىمەن كەلۋ جانە ودان كەرى قايتۋ شىعىندارىن وقۋعا جىبەرەتىن اۋماقتىق قپو بولىمشەسى وتەيدى. 14. ۇمىتكەرلەردى ابو تىڭداۋشىلارى قۇرامىنا قابىلداعاننان كەيىن نەگىزسىز ساباقتان بوساتىلۋىن, اكادەميا اۋماعىن ءوز بەتىنشە تاستاپ كەتۋىن, سونداي-اق جارعىعا قايشى ءوزارا قاتىناستاردى بولدىرماۋ ماقساتىندا اكادەميانىڭ كاسىبي قايتا دايارلاۋ جانە بىلىكتىلىكتى ارتتىرۋ فاكۋلتەتى قىزمەتكەرلەرى ابو تىڭداۋشىسىنىڭ ارقايسىسىنىڭ قولىن قويدىرا وتىرىپ, اكادەميادا بەلگىلەنگەن كۇن تارتىبىمەن جانە مىنەز-ق ۇلىق قاعيدالارىمەن تانىستىرادى جانە نۇسقاما جۇرگىزەدى. 15. ابو وتكەرۋ كەزەڭىندە تىڭداۋشىلار كازارمالىق جاعدايدا بولادى جانە ولارعا اكادەميانىڭ باستىعىمەن بەكىتىلگەن كۇن ءتارتىبى مەن مىنەز-ق ۇلىق قاعيدالارىن ساقتاۋ قولدانىلادى. 16. ابو تىڭداۋشىلارىنىڭ ساعات 09:00-دەن 18:00-گە دەيىنگى كەزەڭدە كۇن ءتارتىبى مەن مىنەز-ق ۇلىق قاعيدالارىن ساقتاۋىن باقىلاۋ كاسىبي قايتا دايارلاۋ جانە بىلىكتىلىكتى ارتتىرۋ فاكۋلتەتى باستىعى مەن اعا وقىتۋشىلارىنا, ساعات 18.00-دەن باستاپ 09.00-گە دەيىنگى كەزەڭدە ابو كۋرسىنىڭ باستىعى مەن ونىڭ تاربيە جۇمىسى جونىندەگى ورىنباسارىنا جۇكتەلەدى. 17. مىندەتىنە: 1) اكادەميانىڭ اۋىسپالى قۇرامىن جالپى ساپقا تۇرعىزۋ شەگىندە ابو جەكە قۇرامىن ساباققا تاڭەرتەڭگىلىك جيناۋ جانە ولاردى كەشكە تەكسەرۋ; 2) جارعىلىق ەمەس ءوزارا قاتىناسقا جول بەرمەۋ; 3) كەشىگۋگە جول بەرمەۋ; 4) وزگە دە تارتىپتىك بۇزۋشىلىقتارعا جول بەرمەۋ كىرەتىن كۋرس كومانديرى ابو ءوتۋ كەزەڭىندە ابو تىڭداۋشىلارىنىڭ اراسىنان اكادەميا باستىعىنىڭ بۇيرىعىمەن تاعايىندالادى. بۇزۋشىلىق انىقتالعان جاعدايدا كۋرس كومانديرى تەزارادا كۋرس باستىعىنا نەمەسە ونىڭ تاربيە جۇمىسى جونىندەگى ورىنباسارىنا باياندايدى, ول ءوز كەزەگىندە, كاسىبي قايتا دايارلاۋ جانە بىلىكتىلىكتى ارتتىرۋ فاكۋلتەتىنىڭ باستىعىنا حابارلايدى. كاسىبي قايتا دايارلاۋ جانە بىلىكتىلىكتى ارتتىرۋ فاكۋلتەتىنىڭ باستىعى اكادەميا باستىعىنىڭ كاسىبي جانە ساپتىق دايارلىق ماسەلەلەرىنە جەتەكشىلىك ەتەتىن ورىنباسارىنا باياناتپەن باياندايدى. 18. ابو تىڭداۋشىلارىن دەمالىس جانە مەيرام كۇندەرى 1 نەمەسە ودان دا كوپ تاۋلىككە بوساتۋ, سونداي-اق وتباسى جاعدايىنا بايلانىستى استانا قالاسىنان تىسقارى شىعۋى اكادەميا باستىعىنىڭ اتىنا جازىلعان جازباشا ءوتىنىشى (باياناتى) نەگىزىندە جۇزەگە اسىرىلادى. 24 ساعاتتان اسپايتىن مەرزىمگە بوساتۋ اكادەميا باستىعىنىڭ كاسىبي جانە ساپتىق دايارلىق ماسەلەلەرىنە جەتەكشىلىك ەتەتىن ورىنباسارىنىڭ جازباشا رۇقساتىمەن جۇرگىزىلەدى. 19. ابو كۋرستارىندا وقۋ قپو جۇكتەلگەن مىندەتتەردى ورىنداۋ ءۇشىن قىزمەت ەرەكشەلىكتەرىن ەسكەرە وتىرىپ, قاجەتتى بىلىمدەردى, داعدىلار مەن ىسكەرلىكتى مەڭگەرۋگە باعىتتالعان ۇيىمداستىرۋشىلىق, وقۋ ءىس-شارالارى جۇيەسىن كوزدەيدى. 20. اسكەري پاندەر, دەنە شىنىقتىرۋ دايىندىقتارى بويىنشا سىناقتار كۋرستاردىڭ وقۋ باعدارلامالارىنا سايكەس قابىلدانادى. 21. تىڭداۋشىلاردىڭ ابو العان قورىتىندى ءبىلىم دەڭگەيى كومپيۋتەرلىك تەستىلەۋمەن باعالانادى, وندا ابو وقۋ-تاقىرىپتىق جوسپارىنا سايكەس كەلەتىن پاندەر بويىنشا سۇراقتار قامتىلادى. تەست تاپسىرمالارىنىڭ جالپى سانى 30 سۇراقتان قۇرالادى. شەكتى ءمانى كەمىندە 15 دۇرىس جاۋاپتى قۇرايدى. تەستىلەۋگە 45 مينۋت بەرىلەدى. 22. ابو-نىڭ دەنە شىنىقتىرۋ جانە اتىس دايارلىعىنان سىناقتار تاپسىرماعان, سونداي-اق تەستى­لەۋدەن شەكتى ءماندى جيناماعان تىڭداۋشىلارىنا ابو كۋرستارىنا قاتىسقانى تۋرالى انىقتاما بەرىلەدى. 23. ابو كۋرستارى اياقتالعاننان كەيىن تەستىلەۋدى تاپسىرعان جانە اڭگىمەلەسۋدەن وتكەن تىڭداۋشىلارعا اكادەميا باستىعىنىڭ بۇيرىعىمەن كۋرستاردى اياقتاعانى تۋرالى بەلگىلەنگەن ۇلگىدەگى سەرتيفيكات بەرىلەدى. ابو اياقتاعانى تۋرالى سەرتيفيكات الماعاندار اۋماقتىق قارجى پوليتسياسى ورگاندارىنا قىزمەتىن ودان ءارى وتكەرۋى تۋرالى ماسەلەنى شەشۋ ءۇشىن جىبەرىلەدى. 24. ابو وقۋ مەرزىمى قازاقستان رەسپۋبليكاسىنىڭ قپو قىزمەت وتىلىنە (ەڭبەك سىڭىرگەن جىلدارى) ەسەپتەلەدى. 3. قورىتىندى ەرەجەلەر 25. ابو كۋرستارىنىڭ تىڭداۋشىلارى: 1) اكادەميانىڭ وقۋ اۋديتوريالارىن, كىتاپحاناسىن, وقۋ قۇرالدارىن جانە باسقا دا جابدىقتارىن پايدالانا الادى; 2) زەردەلەنەتىن پاندەر بويىنشا توپتىق جانە جەكە كەڭەستەر الا الادى; 3) وقۋ ءۇردىسىن جەتىلدىرۋ, ابو-دان ءوتۋ كەزىندە ءتارتىپتى نىعايتۋ بويىنشا ۇسىنىستار ەنگىزە الادى. 26. دالەلدى سەبەپتەر (وتباسىلىق جاعدايى, ناۋقاستانۋى) بويىنشا وقۋدان شىعارىلعان تىڭداۋشىلار وقۋعا قايتا جىبەرىلەدى. 27. ابو كۋرستارىنىڭ تىڭداۋشىلارى: 1) وقۋعا ادال نيەتىمەن قاراعانى, تاقىرىپتىق جوسپارمەن كوزدەلگەن پاندەردى ءوز بەتىنشە زەردەلەۋ بويىنشا بەرىلگەن تاپسىرمالاردى بەلگىلەنگەن مەرزىمدەردە ساپالى ورىنداعانى; 2) قارجى پوليتسياسى ورگاندارى بولىمشەلەرىنىڭ تەوريالىق بىلىمدەرى مەن تاجىريبەلىك قىزمەتتىك داعدىلارىن تاباندىلىقپەن تەرەڭ يگەرگەنى, ءوزىنىڭ ينتەللەكتۋالدىق قابىلەتتەرىن دامىتقانى; 3) ءتارتىپتى بۇلجىتپاي ساقتاعانى, اكادەميا جارعىسىنىڭ تالاپتارىن, اكادەميا باستىعىنىڭ بۇيرىقتارى مەن نۇسقاۋلارىن ءسوزسىز جانە ناقتى ورىنداعانى, كۇن ءتارتىبىن ساقتاعانى; 4) اكادەميانىڭ مۇلكىنە ۇقىپتى قاراعانى, اكادەميانىڭ ءۇي-جايلارى مەن اۋماعىندا تازالىق پەن ءتارتىپتى ساقتاعانى; 5) اكادەميانىڭ قوعامدىق, عىلىمي, مادەني-بۇقارالىق جانە سپورتتىق ومىرىنە بەلسەندى قاتىسقانى ءجون. 28. قىزمەتتىك ءتارتىپتى, سونىڭ ىشىندە كۇن ءتارتىبىن بۇزعاندا, اكادەميانىڭ اۋماعىن ءوز بەتىمەن تاس­تاپ كەتكەندە, جارعىعا قايشى قاتىناستارعا جول بەرگەن جاعدايدا, وقۋ جوسپارىن ورىنداماعاندا, كاسىبي قايتا دايارلاۋ جانە بىلىكتىلىكتى ارتتىرۋ فاكۋلتەتى باستىعىنىڭ ۇسىنىسى بويىنشا ابو تىڭداۋشىسى اكادەميا باستىعىنىڭ بۇيرىعىمەن كۋرستاردان شىعارىلادى جانە اۋماقتىق قارجى پوليتسياسى ورگانىنا قىزمەتىن ودان ءارى وتكەرۋى تۋرالى ماسەلەنى شەشۋ ءۇشىن جىبەرىلەدى. 29. اكادەميا باستىعى وزگە دە تارتىپتىك قىلىقتارعا جول بەرگەن ابو تىڭداۋشىسىنا قاتىستى تىڭداۋشىنى جىبەرگەن باسشىعا «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ زاڭىمەن (بۇدان ءارى - زاڭ) كوزدەلگەن تارتىپتە تارتىپتىك ىقپال ەتۋ شارالارىن قولدانۋ تۋرالى ءوتىنىشتى رەسىمدەيدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 18 ناۋرىزداعى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9239 بولىپ ەنگىزىلدى.