– بۇل مۇعالىمدەردىڭ ەڭبەك جاعدايى مەن مەكتەپتەردەگى ءبىلىم بەرۋ ورتاسىن باعالايتىن اۋقىمدى حالىقارالىق زەرتتەۋ. وسىندا جيناقتالعان مالىمەتتەر پەداگوگ كادرلاردى دايارلاۋدا ولاردىڭ بىلىكتىلىگىن ارتتىرىپ, ىنتالاندىرادى. سونىمەن بىرگە وقۋ باعدارلاماسىن دايىنداۋدا پايدالانادى, – دەيدى وقۋ-اعارتۋ مينيسترلىگى ءبىلىم سالاسىنداعى ساپانى قامتاماسىز ەتۋ كوميتەتىنىڭ باسقارما باسشىسى دينارا ابىلقانوۆا.
ەكونوميكالىق ىنتىماقتاستىق جانە دامۋ ۇيىمى (ەىدۇ) التى جىل سايىن مۇعالىمدەر مەن مەكتەپ ديرەكتورلارى اراسىندا ساۋالداما ارقىلى زەرتتەۋ جۇرگىزەدى. مۇنداي تالداۋ ەلىمىزدەگى پەداگوگيكالىق كورپۋستىڭ ساپاسى مەن كەم-كەتىگىن انىقتاۋعا جانە مۇعالىمدەردىڭ ەڭبەك جاعدايى مەن مەكتەپتەردەگى ءبىلىم بەرۋ ورتاسىنا تاۋەلسىز باعا الۋعا مۇمكىندىك بەرەدى.
ەسكە سالا كەتسەك, قازاقستان TALIS زەرتتەۋىنە العاش رەت 2018 جىلى قاتىسىپ, وعان ەلىمىزدىڭ بارلىق ايماعىنان 6 جارىم مىڭ مۇعالىم مەن 331 مەكتەپ ديرەكتورى ءوز پىكىرلەرىن ءبىلدىردى. سونداي-اق پەداگوگتەردىڭ سەنىمدى عىلىمي-نەگىزدەلگەن جانە حالىقارالىق سالىستىرمالى دەرەكتەرى الىندى. ول «پەداگوگ مارتەبەسى تۋرالى» زاڭدى ازىرلەۋ كەزىندە ەسكەرىلىپ, ءبىلىم جانە عىلىمدى دامىتۋدىڭ 2020-2025 جىلدارعا ارنالعان مەملەكەت-
تىك باعدارلاماسىندا كورىنىس تاپتى.
