تورايعىروۆ ۋيۆەرسيتەتىنىڭ اللەياسىندا «دوس-مۇقاسان» مۇسىندىك كومپوزيتسياسى ورنالاسقان. ونەردىڭ بيىك شىڭىنا شىققان اعالار مۇندا سۋرەتكە ءتۇستى. ودان سوڭ وقۋ ورنىنىڭ كونتسەرت زالىندا وقىتۋشىلار مەن ستۋدەنتتەر اتى اڭىزعا اينالعان ۇجىمدى قوشەمەتپەن قارسى الدى. ستۋدەنتتەر مۋزىكانتتارعا وزدەرىن قىزىقتىرعان ساۋالدارىن قويىپ, ەركىن فورماتتا پىكىر الماستى. جاستاردى انشىلەردىڭ العاشقى گاسترولىن قانداي سەزىمدەرمەن ەسكە الاتىنى جانە قازىرگى كۇنى قانداي اۋەن جازىپ جۇرگەنى قىزىقتىراتىنى بايقالدى.
– «دوس-مۇقاسان» توبى قۇرىلعالى بەرى ءوز اندەرىن ۇنەمى انا تىلىمىزدە شىرقايدى. ءبىزدىڭ شىعارماشىلىعىمىز وتانداستارىمىزدىڭ جادىندا وسى ەرەكشەلىگىمەن ساقتالىپ كەلەدى. شەت مەملەكەتتەردە ونەر كورسەتكەن ۋاقىتتارى ۇنەمى ءوز تىلىمىزدە ءۇن قاتىپ, قازاق ءتىلىن تانىمال ەتۋگە تىرىستىق, – دەپ اتاپ ءوتتى ءانسامبلدىڭ كوركەمدىك جەتەكشىسى مۇرات قۇسايىنوۆ.
بۇل كۇنگى كەزدەسۋدە مەيمانداردىڭ قۇرمەتىنە ستۋدەنتتەر ارنايى كونتسەرتتىك باعدارلاما ازىرلەگەن ەكەن. «ToU Band» ستۋدەنتتىك توبى ونەر تارلاندارىنىڭ الدىندا بىرنەشە ءان ورىندادى. سونىڭ ىشىندە ەكى كومپوزيتسيا «دوس-مۇقاساننىڭ» رەپەرتۋارىنان شىرقالدى.
نەگىزى كەرەكۋلىكتەردىڭ بۇل ءانسامبلدىڭ ونەرىنە دەگەن قۇرمەتى ەرەكشە. مۇسىندىك كومپوزيتسيادان بولەك, وقۋ ورنىندا 2008 جىلى «دوس-مۇقاساننىڭ» شىعارماشىلىعىنا ارنالعان مۇراجاي دا اشىلعان. تۇراقتى ەكسپوزيتسيادا قازاقتىڭ «بيتلزى» تۋرالى سىر شەرتەتىن جادىگەرلەر, قۇجاتتار مەن فوتوسۋرەتتەر ساقتاۋلى. بۇل ەكسپوناتتاردى كەزىندە دوسمۇقاساندىقتار مۇراجايعا وزدەرى تابىس ەتكەن. بىلتىر ءانسامبلدىڭ 55 جىلدىعىنا وراي شاعىن مۇراجاي جاڭا كەيىپكە ەندى.
پاۆلودار
