- ايتىڭىزشى, قازىر ورتالىق نەمەن اينالىسادى؟
- 10 جىلدان استام ۋاقىت بويى مجاتو قىزمەتكەرلەردىڭ دامۋىنا, قۇزىرەتىن ارتتىرۋعا جانە بىلىمدەرىن ۇنەمى جاڭارتىپ وتىرۋعا كومەكتەسىپ كەلەدى. وسى كەزەڭدە ءبىز 10 مىڭنان استام ادامدى وقىتتىق. ءبىز ءىس باسقارماسىنىڭ ۆەدومستۆولىق قاراستى 22 ۇيىمىمەن ىنتىماقتاستىق ورناتا الدىق. ءبىزدىڭ تىڭداۋشىلارىمىز مەديتسينا قىزمەتكەرلەرى, زاڭگەرلەر, بۋحگالتەرلەر, ەكونوميستەر, قارجىگەرلەر, جوعارى مەنەدجمەنت, ينجەنەرلىك-تەحنيكالىق قىزمەتكەرلەر جانە ءىس باسقارماسىنىڭ الۋان ءتۇرلى جۇيەسىنىڭ وكىلدەرى بولىپ قىزمەت اتقاراتىن باسقا دا جۇمىسكەرلەر.
ساپالى ءبىلىم بەرۋ ماقساتىندا ورتالىق ۇزدىك دارىسكەرلەرمەن ىنتىماقتاستىق قارىم-قاتىناس ورناتتى. بۇل - نارىقتا تانىلعان جوعارى دەڭگەيدەگى ماماندار. ءبىزدىڭ پۋلعا 100-دەن استام دارىسكەر-ساراپشىلار كىرەدى. سونداي-اق ءىس باسقارماسى جۇيەسى قىزمەتكەرلەرىنىڭ ىشىنەن تاڭداپ العان 33 ماماننان تۇراتىن ىشكى دارىسكەرلەردى وقىتۋ ءىس-شارالارىنا تارتاتىن جايىمىز بار.
- وقىتۋ تۋرالى تولىعىراق ايتا الاسىز با؟ تىڭداۋشىلارعا قانداي اقپارات قاجەت ەكەنىن قالاي انىقتايسىز؟
- ءبىز ءوز ساباقتارىمىزدىڭ جوسپارىن ءپىب ۆەدومستۆولىق قاراستى ۇيىمدارىنىڭ قاجەتتىلىكتەرىنە سايكەس قالىپتاستىرامىز. مىسالى, IT ماماندارى كيبەرقاۋىپسىزدىك نەمەسە بۇلتتى كەڭىستىكتەر تاقىرىبىنا قىزىعۋشىلىق تانىتاتىنىن ايتادى جانە ءبىز ولار ءۇشىن وڭتايلى وقىتۋدى تاڭدايمىز. قىزمەتكەرلەردىڭ باسقا ساناتتارى دا ءدال وسىلاي جاساي الادى.
- ەڭ تانىمال كۋرستار قانداي؟ قازىر ەرەسەكتەردى وقىتۋدا قانداي ترەندتەر بار؟
- قازىر بۇكىل الەمدە lifelong learning – ءومىر بويى ۇزدىكسىز وقۋ ءۇردىسى تارالىپ جاتقانىن بايقاۋعا بولادى. بۇگىندە ۋنيۆەرسيتەت قابىرعالارىندا بىرنەشە جىل وقىپ, سودان كەيىن جۇمىستا ەسكىرگەن داعدىلاردى قولدانۋ ەڭبەك نارىعى ءۇشىن ءتيىمسىز. قازىر كاسىپقويلار ءبىلىمنىڭ تەز ەسكىرەتىنىن تۇسىنەدى جانە باسەكەلەستىككە تولى ەڭبەك نارىعىندا سۇرانىسقا يە بولۋ ءۇشىن بىلىمدەرىن ۇنەمى جاڭارتىپ وتىرادى.
بۇل جەردە ايتا كەتەتىن جايت, تسيفرلاندىرۋ ەڭبەك نارىعىنا بىرقاتار قىسىم جاساپ كەلەدى. ول بىرقاتار فۋنكتسيالاردى جويىپ, كوپتەگەن جاڭا مۇمكىندىكتەردى دە ۇسىنىپ جاتىر.
مىسالى, بولاشاق ەڭبەك نارىعىنا بولجام جاسايتىن دۇنيەجۇزىلىك ەكونوميكالىق فورۋمنىڭ 2018 جىلعى ەسەبىنە سايكەس, جاساندى ينتەللەكت 75 ميلليون جۇمىسشىنىڭ قىسقارۋىنا سەبەپ بولعان, بىراق 133 ميلليون جاڭا بوس جۇمىس ورنى قۇرىلعانىن دا اتاپ ءوتۋ كەرەك. سوندىقتان زاماناۋي ماماندار بىلىمدەرىن, داعدىلارىن ۇنەمى شىڭداۋعا ءماجبۇر. وسىعان بايلانىستى ءار ءتۇرلى كومپانيالاردىڭ قىزمەتكەرلەرى ۇنەمى كۋرستاردان, ترەنينگتەردەن وتەدى, بىلىكتىلىگىن ارتتىرادى, ءتىپتى پانارالىق سالالاردى وقيدى. مىسالى, HR ماماندارى مەنەدجمەنتتى, جوبا مەنەدجەرلەرى – ماركەتينگتى زەرتتەيدى.
ەرەسەكتەردى وقىتۋداعى ءبىر ماڭىزدى تەندەنتسيا – mindfulness, ياعني زەيىندى دامىتۋ. Linkedin ەسەبىنە سايكەس, جۇمىس بەرۋشىلەردىڭ 92%-ى يكەمدى داعدىلاردى تەحنيكالىق داعدىلاردان گورى ماڭىزدى دەپ سانايدى. ولار شىعارماشىلىقتى, ادامداردى سەندىرۋ جانە قارىم-قاتىناس جاساۋ قابىلەتىن, بەيىمدەلۋدى كوزدەيدى. بۇل داعدىلار كەز كەلگەن مامانعا قاجەت.
- بۇگىندە ونلاين وقىتۋ قانشالىقتى ءتيىمدى؟
- ءتۇرلى پىكىرلەرگە قاراماستان, ونلاين فورماتىندا دا ءتيىمدى وقۋعا بولادى. ءبىزدىڭ تاجىريبەمىزگە سۇيەنە وتىرىپ, تىڭداۋشىلاردىڭ جىگەرى جوعارى دەڭگەيدە بولعان كەزدە, ولار وتكەن ماتەريالدى ءتيىمدى يگەرەدى دەپ ايتا الامىن. مجاتو وتكىزەتىن ترەنينگتەرگە باسقا قالالاردىڭ ونلاين تىڭداۋشىلارى دا قوسىلادى.
دەسە دە, وفلاين وقىتۋ - ءالى دە تانىمال ادىستەردىڭ ءبىرى. ءبىلىم الۋ – شوعىرلانۋ مەن تاباندىلىقتى قاجەت ەتەتىن كۇردەلى پروتسەسس. وفلاين فورمات جينالۋ قيىنعا سوعاتىندار ءۇشىن پايدالى. ويتكەنى جانىڭىزدا تابىسقا جەتۋگە نيەتتەنگەن باسقا دا بەلسەندى ادامداردى كورەسىز, ەرىك-جىگەرمەن نازار اۋدارۋعا ءماجبۇر ەتەتىن باسەكەلەستىك ەلەمەنتتەرى پايدا بولادى. سونىمەن قاتار اۋديتورياداعى وقىتۋ نەتۆوركينگكە مۇمكىندىك بەرەدى.
- ورتالىقتىڭ الداعى جوسپارلارى قانداي؟ وقىتۋ ۇردىسىنە قانداي جاڭالىقتار ەنگىزىلمەكشى؟
- بيىل ءبىز ءپىب جۇيەسىنىڭ قىزمەتكەرلەرىن عانا وقىتىپ قويماي, نارىققا شىعىپ, كليەنتتەر رەتىندە باسقا كومپانيالاردى – كۆازيمەملەكەتتىك جانە كوممەرتسيالىق سەكتورلاردى تارتامىز.
سونىمەن قاتار ءبىز قازىر ءوز ۆەب-پورتالىمىزدى ازىرلەۋ ساتىسىندامىز. تىڭداۋشىلارىمىز وتكەن ماتەريالدى قايتالاي الۋى ءۇشىن ءبىزدىڭ ترەنينگتەر مەن سەمينارلاردىڭ مۇراعاتى ساقتالادى. ءوز ءبىلىمىن راستاۋ ءۇشىن ينتەراكتيۆتى تەستتەر مەن تاپسىرمالار ورنالاستىرىلادى.
سونداي-اق وسى پورتالدىڭ ارقاسىندا ءبىز جەكە تۇلعالار نارىعىنا شىعىپ, دەربەس ونلاين وقىتۋ قىزمەتتەرىن ۇسىنعىمىز كەلەدى.
ءبىز كوپتەگەن جاڭا مۇمكىندىكتەردى اشاتىن ۆەب-پورتالعا ۇلكەن ءۇمىت ارتامىز. ارينە, ءارتۇرلى باعىتتاردى سىناپ كورەمىز, سودان كەيىن ناتيجەلەرگە سۇيەنە وتىرىپ, سۇرانىسقا يە بولاتىن ءتاسىلدى جۇزەگە اسىرامىز.
- ورتالىقتى دامىتۋ ءۇشىن كىمنىڭ تاجىريبەسىنە سۇيەنەسىز؟
- وتاندىق ۇيىمداردان ءبىز مەملەكەتتىك باسقارۋ اكادەمياسى, Samruk Business Academy, BI University جانە باسقا دا ءىرى ۇيىمداردىڭ تاجىريبەسىن زەرتتەيمىز. ارينە, ءبىز ءبارىمىز ءبىر-بىرىمىزدەن ەرەكشەلەنەمىز, بىراق ماقساتىمىز ورتاق.
ءبىزدىڭ ورتالىق نارىق جەتىستىكتەرىن پايدالانا وتىرىپ, وقىتۋدا وزىق تاجىريبەلەردى ۇدايى ەنگىزۋگە جانە وسى باعىتتا ەنگىزىلىپ جاتقان جاڭالىقتاردى زەرتتەۋگە باعىتتالعان.
