ايماققا 400 ملرد تەڭگەدەن استام قارجى تارتىلعان. قىزىلوردا وبلىسىندا قالا, اۋدان, اۋىل اكىمدەرىنىڭ جۇمىسى ءوز ولكەسىنە ينۆەستيتسيا تارتۋ كورسەتكىشىمەن ەرەكشەلەنەدى.
ۇزدىك ناتيجە كورسەتكەن اۋداننىڭ ءبىرى – قازالى. مۇندا ينۆەستيتسيانىڭ باسىم بولىگى اۋىلداردى دامىتۋعا ارنالعان. ماسەلەن, وتكەن جىلى 18 ميلليارد تەڭگە ينۆەستيتسيا تارتىلعان قازالى اۋدانىندا قۇرىلىس قارقىن الىپ, 25 ءىرى وندىرىستىك-ساۋدا ورتالىعى سالىندى. سونىمەن قاتار دەمەۋشىلەر كومەگىمەن ونداعان الەۋمەتتىك نىسان بوي كوتەردى. ءۇرماش تۇكتىباەۆ اۋىلى تۇرعىندارىنىڭ سۇرانىسىمەن سالىنىپ جاتقان سپورت كەشەنىندە اشىلاتىن ۇيىرمەلەرگە جاستار وسى باستان تىركەلىپ جاتىر. سونىمەن قاتار ەلدى مەكەن شارۋالارىنىڭ ءوتىنىشى بويىنشا ەگىستىكتى سۋاراتىن 12 شاقىرىمدىق ارنا تازالاندى.
«حالىق ۇسىنىستارىنىڭ ءبىرى ينتەرنەت جۇيەسى بولسا ول ءوز كەزەگىندە ورىندالدى. ەلدى مەكەن ورتالىعىنا جوعارى جىلدامدىقتى ينتەرنەت قۇرىلىپ, پايدالانۋعا بەرىلدى. بيىل اۋىلىشىلىك 6 كوشەگە ورتاشا جوندەۋ جۇمىستارىن جۇرگىزۋگە وبلىستىق بيۋدجەتتەن قارجى قارالىپ, قازىرگى ۋاقىتتا مەملەكەتتىك ساتىپ الۋ جۇمىستارى جۇرگىزىلىپ جاتىر», دەدى العا اۋىلدىق وكرۋگىنىڭ اكىمى ولجاس احمەتوۆ.
2023 جىلى اۋدانعا 20 ملرد تەڭگە ينۆەستيتسيا تارتۋ جوسپارلانىپ وتىر. قارجى نەگىزىنەن اۋىل جولدارىن جاڭعىرتىپ, شالعاي ەلدى مەكەندەردە جەكە بالاباقشا جەلىسىن قالىپتاستىرۋعا باعىتتالادى.
