بۇل تۋرالى جۋرناليست عالىمجان قارامان ۇلى الەۋمەتتىك جەلىدەگى پاراقشاسىندا حابارلادى.
«كاۋسار قىزىم بريتانيادا قازاق ءتىلىن ناسيحاتتاپ ءجۇر. قازاقستاننىڭ ۇلىبريتانياداعى ەلشىلىگىنە ديماش قۇدايبەرگەننىڭ جانكۇيەرلەرى جينالىپ, وتە مازمۇندى كەش ءوتتى», دەپ جازدى ول.
كەزدەسۋ بارىسىندا جانكۇيەرلەر ديماشتىڭ اندەرىن ورىنداعان. ولارعا ارنايى داستارحان جايىلىپ, قازاقتىڭ ۇلتتىق تاعامدارى ۇسىنىلدى. تىڭدارماندار قايىرىمدىلىق شارالارىنا 1 ميلليون تەڭگە اۋدارعانىن دا اتاپ ءوتۋ كەرەك.
«ديەرستار قازاقستانعا قايىرىمدىلىققا 1 ملن تەڭگە اۋداردى. بۇل اقشاعا بالالار ءۇيىنىڭ تاربيەلەنۋشىلەرى مۋزىكالىق اسپاپتار ساتىپ الادى», دەدى عالىمجان قارامان ۇلى.
كاۋسار «بالاپان» تەلەارناسىندا بالالارعا اعىلشىن ءتىلىن ۇيرەتەدى, ال كەزدەسۋدە ديماشتىڭ تىڭدارماندارىنا قازاق ءتىلىن ۇيرەتتى. جانكۇيەرلەر وعان ءسۇيسىنىپ, جىلى لەبىزدەرىن ءبىلدىردى.
«كاۋسار سونداي سۇيكىمدى جانە اعىلشىن ءتىلىن جاقسى مەڭگەرگەن. قازاقشاسى دا عاجاپ!», دەدى تىڭدارمانداردىڭ ءبىرى مايكل.
