كانديدات ۇجىمدى پارتيانىڭ سايلاۋالدى باعدارلاماسىن تانىستىرىپ, سالا ماماندارىنىڭ سۇراقتارىنا جاۋاپ بەردى. «ەل ءۇشىن» جەر ءۇشىن! بيلىك – حالىققا!» اتتى پارتيانىڭ سايلاۋالدى باعدارلاماسىندا تاۋ-كەن مەتاللۋرگيالىق كەشەنىنە قاتىستى بىرقاتار وزەكتى ماسەلە قامتىلعان.
اتاپ ايتساق, قاراپايىم جۇمىسشىلاردىڭ قۇقىن قورعاۋ ماقساتىندا كاسىپوداقتار تۋرالى جاڭا زاڭ ازىرلەۋ, تەحنولوگيالاردىڭ دامۋىنا بايلانىستى جۇمىستان قىسقارتىلعان ادامداردى قولداۋ, زياندى ءوندىرىس ورىندارىندا ەڭبەك ەتەتىن جانداردىڭ زەينەت جاسىن تومەندەتۋ ماسەلەلەرى بار. بۇگىندە ەل ەكونوميكاسىنداعى قازاقستاننىڭ تاۋ-كەن مەتاللۋرگيا كەشەنى ءىجو-ءنىڭ شامامەن 10 پايىزىن, ونەركاسىپتىك ءوندىرىستىڭ جانە بارلىق ەكسپورتتىڭ شامامەن 25 پايىزىن قۇرايدى. سالادا 200 مىڭنان استام جۇمىسشى ەڭبەك ەتەدى. قىزمەتكەرلەردىڭ 90 پايىزعا جۋىعى كاسىپوداقتاردان تۇرادى.
– حالىق پارتياسى – جالدامالى جۇمىسشىلار مەن ءوزىن-ءوزى جۇمىسپەن قامتىعانداردىڭ قۇقىعىن قورعايتىن جاڭا ەڭبەك كودەكسىن قالىپتاستىرۋ كەرەك. ءبىز كۇشتى جانە تاۋەلسىز كاسىپوداقتار ءۇشىن جۇمىس ىستەيمىز. ءبىز كەنشىلەردىڭ, مەتاللۋرگتەردىڭ, زياندى جانە قاۋىپتى وندىرىستەردىڭ بارلىق قىزمەتكەرىنىڭ قۇقىقتارىن قورعاپ, ولاردىڭ 50 جانە 55 جاستا زەينەتكە شىعۋىن قولدايمىز. ءبىز ىنتىماقتى-جيناقتاۋشى زەينەتاقى جۇيەسىن قالىپتاستىرۋ كەرەك دەپ ەسەپتەيمىز, – دەدى الەكساندر ميليۋتين.
كەزدەسۋ بارىسىندا سپيكەر پارتيانىڭ باستى ماقساتى – ەلدىڭ بيلىگى مەن بايلىعى قازاقستان حالقىنا تيەسىلى بولاتىن الەۋمەتتىك ادىلەتتى قوعام قۇرۋ ەكەنىن ايرىقشا اتاپ ءوتتى.
كانديداتتىڭ ايتۋىنشا, تاۋەلسىزدىك العاننان بەرگى پايىزعا بارلىق, ونىڭ ىشىندە شەتەلدىك ينۆەستورلارمەن جاسالعان كەلىسىمشارتتىڭ تالاپتارىن قايتا قاراپ, كەدەيلىككە قارسى زاڭ قابىلداۋ كەرەك. ء«بىز وسىلاي عانا حالىقتىق ۇكىمەت قۇرىپ, الەۋمەتتىك ادىلەتتىلىك ورناتا الامىز», دەدى ا.ميليۋتين.
