– ءبىز مۇنداي قۇقىقتىق نورما ارقىلى بارلىق تاراپتىڭ ءوزارا جاۋاپكەرشىلىگىن كۇشەيتۋ مەكتەپتەگى وقۋ ادەبيەتىنىڭ ساپاسىن ارتتىرۋعا وڭ اسەر ەتەدى دەپ سانايمىز, – دەدى ورتالىق باسشىسى ەلدوس نۇرلانوۆ.
ەسكە سالا كەتەيىك, سوڭعى ءۇش جىلدا وقۋ-اعارتۋ مينيسترلىگى مەملەكەتتىك ساراپتاما راسىمدەرىنىڭ وبەكتيۆتىلىگىن ارتتىرۋعا, ساراپشىلارعا, اۆتورلارعا جانە وقۋلىقتارعا قويىلاتىن تالاپتاردى ناقتىلاۋعا باعىتتالعان بىرقاتار زاڭنامالىق شارا قابىلدادى.
2020 جىلى ساراپتاما جۇرگىزۋ ۇدەرىسى تولىعىمەن قۇپيا رەجىمگە اۋىستىرىلدى. مينيسترلىك سايتىندا pdf جانە epub فورماتىنداعى قاعاز وقۋلىقتاردىڭ ەلەكتروندى نۇسقالارى اشىق ورنالاستىرىلىپ, اۆتورلارى كورسەتىلمەيتىن بولدى. بۇل ساراپتامانىڭ ادىلدىگى مەن اشىقتىعىن قامتاماسىز ەتەدى. سونىمەن قاتار باسپالارعا ىشكى ساراپتاما جۇرگىزۋ, اۆتورلاردىڭ وقۋ ادەبيەتتەرىن ازىرلەۋدىڭ ءادىسناماسى, ولاردى باعالاۋ كريتەريلەرى بويىنشا وقىتۋ كۋرسىنان وتكىزۋ جاۋاپكەرشىلىگى جۇكتەلدى.
