فوتو: Polisia.kz
كولىگىنىڭ جۇك سالعىشىندا ەكى قاپ مەفەدرون ەسىرتكى زاتىن تاسىمالداپ جۇرگەن 35 جاستاعى ەلوردا تۇرعىنى ۇستالدى.
«تەرگەۋ بارىسىندا ۇستالعان ازاماتتىڭ ەسىرتكىنى الماتىدان ساتىپ الىپ, استاناعا ءوتىپ بارا جاتقان كولىگىمەن جونەلتكەنى جانە ەلورداعا ۇشاقپەن ورالعانى انىقتالدى. سودان كەيىن ول ءبىر كەلى ەسىرتكى سالىپ, ءۇش قالادا: كوكشەتاۋ, پەتروپاۆل جانە پاۆلوداردا بەتبەلگىلەر جاساۋدى جوسپارلاعان. ول ەسىرتكىنى وراپ جاتقان كەزدە ۇستالدى», دەپ حابارلادى ءىىم ءباسپاسوز قىزمەتى.
ۇستالعان ازاماتتىڭ پاتەرىن ءتىنتۋ كەزىندە ەكى كەلى گاشيش, ءبىر ميلليون تەڭگەدەن استام اقشا, سونداي-اق ەلەكتروندى تارازىلار مەن وراۋ ماتەريالدارى تاركىلەندى.
«تاركىلەنگەن ەسىرتكىنىڭ سالماعى ءىرى مولشەرگە جاتادى. ولاردىڭ اينالىمى ءۇشىن كوزدەلگەن سانكتسيا قىلمىسكەردىڭ مۇلكىن تاركىلەپ, 15 جىلعا دەيىن باس بوستاندىعىنان ايىرۋدى قاراستىرادى. قازىرگى ۋاقىتتا ىزدەستىرۋ شارالارى جۇرگىزىلىپ, ۇستالعان ازاماتتىڭ قىلمىستىق بايلانىستارى انىقتالىپ جاتىر», دەپ اتاپ ءوتتى پوليتسيا قىزمەتكەرلەرى.
