جىل سايىن 20 مىڭعا جۋىق تىلەك بىلدىرۋشىلەر ەل ازاماتتىعىن الۋ ماسەلەسى بويىنشا جۇگىنەدى. تاۋەلسىزدىك جىلدارى ءبىر ميلليوننان استام ادام قازاقستان ازاماتتىعىن الدى, ال وتكەن جىلى – 22 مىڭ ادام, ونىڭ ىشىندە قر پرەزيدەنتىنىڭ جارلىعىمەن – 1375, جەڭىلدەتىلگەن تارتىپپەن – 20 مىڭنان استام ادام ازاماتتىققا قول جەتكىزدى.
ءىىم بۇۇ بجكب-نىڭ قازاقستانداعى وكىلدىگىمەن جانە ۇەۇ-مەن بىرلەسىپ ەكى جىل ىشىندە قۇجاتسىز جانە ازاماتتىعى جوق ادامداردى انىقتاۋ جانە تىركەۋ بويىنشا كەڭ اۋقىمدى اكتسيا وتكىزگەن. اكتسيا ناتيجەسىندە ازاماتتىعى مەن قۇجاتتارى جوق 8 مىڭنان استام ادام انىقتالعان. ونىڭ ىشىندە 5 مىڭ ادام قازاقستان ازاماتتىعىنا جاتاتىنىن راستادى جانە جەكە كۋالىكتەرى راسىمدەلدى. 3 مىڭنان استامىنا ازاماتتىعى جوق ادامنىڭ كۋالىگى بەرىلگەن.
