ناۋرىزدا وتەتىن ۇبت-عا ءوتىنىش قابىلداۋ باستالدى

بيىلعى ەكىنشى ۇبت 14-30 ناۋرىز ارالىعىندا وتەدى.

ۇلتتىق تەستىلەۋ ورتالىعىنىڭ حابارلاۋىنشا, ۇبت-عا كەلەسى ازاماتتار قاتىسا الادى:

− مەكتەپتىڭ 11 (12) سىنىپ وقۋشىلارى;

− مەكتەپ جانە كوللەدجدىڭ وتكەن جىلعى تۇلەكتەرى, كوللەدجدىڭ بيىلعى تۇلەكتەرى;

− جوو-عا شارتتى تۇردە قابىلدانعان ستۋدەنتتەر;

− شەتەلدە ءبىلىم العان تۇلەكتەر, قر ازاماتىنا جاتپايتىن, شەتەلدە ءبىلىم العان ۇلتى قازاق ادامدار.                                                                                                                                                                                                                                         

«ۇبت تاپسىرۋ قۇنى – 4230 تەڭگە. قاتىسۋشىلار تىركەلۋ كەزىندە تەستىلەۋ وتەتىن ورىندى, كۇندى جانە ۋاقىتتى وز ەركىمەن تاڭدايدى», دەلىنگەن ۇتو حابارلاماسىندا.

ەسكە سالايىق, قاڭتار ايىندا وتكەن ۇبت سىناعىنا 123 مىڭعا جۋىق تالاپكەر قاتىسىپ, ولاردىڭ ورتاشا ناتيجەسى 76 بالدى قۇرادى. 102 مىڭ تالاپكەر شەكتى بالل (50 بالل) جيناي الدى. تەست تاپسىرۋشىلاردىڭ 95 مىڭى (77%) – قازاق تىلىندە, 28 مىڭى (23%) – ورىس تىلىندە, 91 تۇلەك اعىلشىن تىلىندە تەست تاپسىردى.