ءىس-شاراعا ەڭبەك جانە حالىقتى الەۋمەتتىك قورعاۋ, ۇلتتىق ەكونوميكا, قارجى, اۋىل شارۋاشىلىعى, يندۋستريا جانە ينفراقۇرىلىمدىق دامۋ, وقۋ-اعارتۋ, اقپارات جانە قوعامدىق دامۋ ۆيتسە-مينيسترلەرى, سونداي-اق رەسپۋبليكالىق ماڭىزى بار قالالار مەن وبلىستار اكىمدەرىنىڭ ورىنباسارلارى قاتىستى.
التاي كولگىنوۆ كەڭەس جۇمىسىن اشا وتىرىپ, مەملەكەت باسشىسىنىڭ اتقارۋشى ورگانداردىڭ الدىنا 2029 جىلعا دەيىن 3,3 ملن ادامدى, ونىڭ ىشىندە 2,3 ملن جاستاردى جۇمىسقا ورنالاستىرۋ مىندەتىن قويعانىن ەسكە سالدى.
ول سونداي-اق بيىل پرەزيدەنتتىڭ 10 مىڭ حالىققا 100 جۇمىس ورنىن قۇرۋ جونىندەگى باستاماسىن ىسكە اسىرۋ شەڭبەرىندە جۇمىستار جالعاساتىنىن اتاپ ءوتتى.
تامارا دۇيسەنوۆا حالىقتى جۇمىسپەن قامتۋ شارالارى تۋرالى حابارلادى. سالا باسشىسى حالىقتى جۇمىسپەن قامتۋدىڭ 20 وڭىرلىك كارتاسى بەكىتىلگەنىن اتاپ ءوتتى.
«2023 جىلى وڭىرلىك كارتالار شەڭبەرىندە 947,8 مىڭ ادامدى جۇمىسقا ورنالاستىرۋ جوسپارلانىپ وتىر, ونىڭ ىشىندە 70,2 مىڭ ادام ىسكە اسىرىلىپ جاتقان ۇلتتىق جوبالار شەڭبەرىندە جۇمىسقا ورنالاسادى; 161 مىڭ ادام – سۋبسيديالاناتىن جۇمىس ورىندارىنا; 341,8 مىڭ ادام – مەملەكەت باسشىلارىنىڭ «10 مىڭ تۇرعىنعا 100 جۇمىس ورنى» باستاماسى شەڭبەرىندە; 320,4 مىڭ ادام – جۇمىس بەرۋشىلەر ۇسىنعان بوس جۇمىس ورىندارىنا; قالعان 54,3 مىڭ ادام – وبلىستاردى دامىتۋ, شاعىن نەسيەلەۋ جانە ت.ب. باعدارلامالار شەڭبەرىندە جۇمىسپەن قامتىلادى», دەدى تامارا دۇيسەنوۆا.
سونداي-اق مينيستر جىل باسىنان بەرى رەسپۋبليكا بويىنشا 97,9 مىڭ ادام جۇمىسقا ورنالاستىرىلعانىن, ونىڭ ىشىندە: 61 مىڭ ادام بەلسەندى جۇمىسپەن قامتۋ شارالارىمەن قامتىلعانىن; 24,3 مىڭ ادام بوس جۇمىس ورىندارىنا ورنالاستىرىلعانىن; 11,8 مىڭ ادام – جەكە باستامالار شەڭبەرىندە; 743 ادام ۇلتتىق جوبالاردى ىسكە اسىرۋ شەڭبەرىندە جۇمىسقا ورنالاسقانىڭ حابارلادى.
سونىمەن قاتار تامارا دۇيسەنوۆا جىلدىڭ ناۋرىز ايىندا ىسكە اسىرىلۋى باستالاتىن جاستاردىڭ كاسىپكەرلىك باستامالارىن قولداۋ ءۇشىن جىلدىق 2,5%-بەن جەڭىلدىكتى شاعىن نەسيەلەندىرۋدى ۇيىمداستىرۋ بويىنشا جۇمىستاردىڭ بارىسى تۋرالى حاباردار ەتتى. شاعىن نەسيەلەر بەرۋگە 29 ملرد تەڭگە قاراستىرىلعان, بۇل 5,8 مىڭ ادامدى قامتۋعا مۇمكىندىك بەرەدى.
سونداي-اق بيىل رەسپۋبليكا بويىنشا ءموبيلدى توپتار جۇمىس ىستەي باستادى, ولاردىڭ نەگىزگى مىندەتتەرى: حالىقتى جۇمىسپەن قامتۋ ورتالىقتارى كورسەتەتىن قىزمەتتەر تۋرالى حالىقتىڭ حاباردارلىعىن ارتتىرۋ; جۇمىسقا ورنالاسۋ مۇمكىندىكتەرىنە قول جەتكىزۋدى قامتاماسىز ەتۋ; جۇمىسپەن قامتۋعا جاردەمدەسۋدىڭ بەلسەندى شارالارىن ۇسىنۋ (وقىتۋ, گرانتتار, سۋبسيديالاناتىن جۇمىس ورىندارى) بولىپ تابىلادى.
ءوز كەزەگىندە بىرقاتار وڭىرلەر اكىمدەرىنىڭ ورىنباسارلارى حالىقتى جۇمىسپەن قامتۋ بويىنشا جەرگىلىكتى جەرلەردە جۇرگىزىلىپ جاتقان جۇمىستار تۋرالى باياندادى.
كەڭەستى قورىتىندىلاي كەلە, التاي كولگىنوۆ حالىقتى جۇمىسپەن قامتۋ ماسەلەلەرى مەملەكەت باسشىسىنىڭ ەرەكشە باقىلاۋىندا ەكەنىن اتاپ ءوتتى.
پرەمەر-ءمينيستردىڭ ورىنباسارى وبلىستار مەن رەسپۋبليكالىق ماڭىزى بار قالالاردىڭ اكىمدىكتەرىنە: تۇراقتى جۇمىس ورىندارىن قۇرۋعا باسىمدىق بەرە وتىرىپ, 2023 جىلعا ارنالعان بەكىتىلگەن جۇمىسقا ورنالاستىرۋ جوسپارلارىنىڭ ساپالى ورىندالۋىن قامتاماسىز ەتۋدى; ەلەكتروندىق ەڭبەك بيرجاسىندا ورنالاستىرا وتىرىپ, جۇمىس ورىندارىن قۇرۋ بويىنشا جۇمىس بەرۋشىلەرمەن بەلسەندى ءوزارا ءىس-قيمىل جاساۋدى; وسى جىلعى 20 اقپاننان باستاپ ميكروكرەديتتەر بەرۋ ءۇشىن بيزنەس-يدەيالار كونكۋرستارىن وتكىزۋ بويىنشا جۇمىستى باستاۋدى تاپسىردى.
وقۋ-اعارتۋ مينيسترلىگىنە وبلىستاردىڭ جانە رەسپۋبليكالىق ماڭىزى بار قالالاردىڭ اكىمدىكتەرىمەن بىرلەسىپ, 15 ناۋرىزعا دەيىن بارلىق وڭىردە ءموبيلدى وقۋ ورتالىقتارىنىڭ جۇمىسىن ۇيىمداستىرۋدى قامتاماسىز ەتۋ تاپسىرىلدى.
اقپارات جانە قوعامدىق دامۋ مينيسترلىگىنە وبلىستاردىڭ جانە رەسپۋبليكالىق ماڭىزى بار قالالاردىڭ اكىمدىكتەرىمەن بىرلەسىپ, مەملەكەت ىسكە اسىرىپ جاتقان جۇمىسپەن قامتۋعا جاردەمدەسۋ شارالارى تۋرالى حالىقتى كەڭىنەن حاباردار ەتۋدى قامتاماسىز ەتۋ تاپسىرىلدى.
ەڭبەك جانە حالىقتى الەۋمەتتىك قورعاۋ مينيسترلىگىنە جۇمىسپەن قامتۋدىڭ وڭىرلىك كارتالارىن ىسكە اسىرۋدىڭ, ونىڭ ىشىندە جۇمىسقا ورنالاستىرىلعان ازاماتتار ءۇشىن مىندەتتى زەينەتاقى جارنالارىنىڭ بولۋى جانە ەلەكتروندىق ەڭبەك شارتتارىن تىركەۋ تۇرعىسىنان مونيتورينگتى تۇراقتى نەگىزدە قامتاماسىز ەتسىن دەگەن تاپسىرمالار بەرىلدى.
