ءىس-شارانىڭ اشىلۋ سالتاناتىنا تۇركى اكادەمياسىنىڭ پرەزيدەنتى شاھين مۇستافاەۆ, قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قانات تۇمىش, تمۇ اقساقالدار كەڭەسىنىڭ مۇشەسى, ازەربايجان رەسپۋبليكاسىنىڭ بۇرىنعى پرەمەر-ءمينيسترى جانە بۇرىنعى سىرتقى ىستەر ءمينيسترى گاسان گاسانوۆ, تۇركى اكادەمياسىنىڭ پرەزيدەنتى ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) باس حاتشىسى قايرات سارىباي, قىرعىز رەسپۋبليكاسى پرەزيدەنتى جانىنداعى ۇلتتىق ستراتەگيالىق زەرتتەۋلەر ينستيتۋتى قۇقىقتىق جانە ساياسي زەرتتەۋلەر ورتالىعىنىڭ جەتەكشىسى اۆتانديل اراباەۆ, تۇركيا رەسپۋبليكاسى كوممەرتسيا جانە ساۋدا مينيسترلىگى ساۋدانى زەرتتەۋ جانە تاۋەكەلدى باعالاۋ باس ديرەكتورىنىڭ ورىنباسارى رايف دجان, ماجارستان سىرتقى ىستەر جانە ساۋدا ينستيتۋتىنىڭ باس كەڭەسشىسى لاسلو ۆاسا, وزبەكستان رەسپۋبليكاسى پرەزيدەنتى اكىمشىلىگى جانىنداعى ەكونوميكالىق زەرتتەۋلەر جانە رەفورمالار ورتالىعىنىڭ اعا مامانى فازليددين ناسريددينوۆ جانە باۋىرلاس ەلدەردىڭ ەلشىلەرى قاتىستى. ەكى كۇنگە جوسپارلانعان القالى باسقوسۋ باۋىرلاس مەملەكەتتەر اراسىنداعى ەكونوميكالىق ىنتىماقتاستىقتى نىعايتا ءتۇسۋ جولدارىن قاراستىرۋعا ارنالدى. جيىن بارىسىندا قاتىسۋشىلار تمۇ-عا مۇشە ەلدەر اراسىنداعى ەكونوميكالىق ارىپتەستىكتىڭ الەۋەتى تۋرالى پىكىر الماسىپ, تۇركى الەمى ەكونوميكالىق ساياساتىن زەرتتەۋ ورتالىقتارىنىڭ ورتاق جەلىسىن قۇرۋ مۇمكىندىگىن تالقىلادى.
سونىمەن قاتار باۋىرلاس ەلدەردىڭ ساراپشىلارى تمۇ-عا مۇشە ەلدەردىڭ مەملەكەت باسشىلارى قابىلداعان «تۇركى الەمى – 2040» ستراتەگياسىن جۇزەگە اسىرۋ مۇمكىندىكتەرى بويىنشا دا ويلارىمەن ءبولىسىپ, ۇسىنىستارىن ورتاعا سالدى.
باسقوسۋدىڭ اشىلۋ سالتاناتىنان كەيىن سەمينار جۇمىسى ەكى سەكتسيا بويىنشا جالعاستى.
اتاپ ايتقاندا, «ۇلتتىق دامۋدىڭ باسىمدىقتارى جانە تۇركى ەلدەرىنىڭ ەكونوميكالىق ىنتىماقتاستىعىن تەرەڭدەتۋ ماقساتتارى» اتتى ءبىرىنشى سەكتسيادا ساراپشىلار قولدانىستاعى ۇلتتىق ستراتەگيالىق قۇجاتتارعا سۇيەنە وتىرىپ, الداعى بەس جىلداعى دامۋ باسىمدىقتارىن تانىستىردى.
تۇركى ىنتىماقتاستىعىنىڭ ماڭىزدى بەتبۇرىس كەزەڭى 2021 جىلى ىستامبۇلدا وتكەن مەملەكەت باسشىلارىنىڭ ءسامميتى بولدى, وندا تۇركى الەمى – 2040 (Vision 2040) كوزقاراسى قابىلداندى جانە وسىلايشا تۇركى ەلدەرىن ناقتى بەلگىلەنگەن ۇزاق مەرزىمدى ماقساتتارمەن ينتەگراتسيالاۋ بويىنشا جۇيەلى جۇمىسقا جول اشىلدى. 2022 جىلى سامارقاندتا وتكەن تۇركى مەملەكەتتەرى ۇيىمىنىڭ 9-شى ءسامميتى وسى وڭ سەرپىندى ودان ءارى نىعايتتى جانە تۇركى مەملەكەتتەرىن ۇيىمداستىرۋدىڭ 2022-2026 جىلدارعا ارنالعان ستراتەگياسىن قابىلدادى, بۇل تۇركى الەمى-2040 كوزقاراسىن ىسكە اسىرۋدىڭ العاشقى قادامىن بەلگىلەدى.
