«اۋماقتىق سايلاۋ كوميسسيالارى ۇسىنعان مالىمەتتەرگە قاراعاندا, تىركەۋ كەزەڭى اياقتالعانعا دەيىن 45 كانديدات كانديداتۋراسىن ءوز قالاۋىمەن الىپ تاستاۋ ءوتىنىشىن بىلدىرگەن. كوميسسيالار ولاردى بەرىلگەن ءوتىنىش نەگىزىندە تىركەۋگە المادى. تاعى 125 كانديداتتتىڭ تىركەۋ تۋرالى ءوتىنىشى كەرى قايتارىلدى. ونىڭ ىشىندە ءبىر كانديدات قر كونستيتۋتسياسى مەن «سايلاۋ تۋرالى» كونستيتۋتسيالىق زاڭىنىڭ قازاقستان رەسپۋبليكاسىنىڭ اۋماعىندا كەيىنگى 10 جىل كولەمىندە تۇرۋ قاجەتتىگى جونىندەگى تالاپقا سايكەس كەلمەگەنى بويىنشا تىركەۋدەن وتپەدى», دەدى وسك توراعاسىنىڭ ورىنباسارى.
سونداي-اق تاعى بىرنەشە كانديدات باس پروكۋراتۋرانىڭ مالىمەتى نەگىزىندە تىركەۋدەنموتە الماعان.
«4 كانديدات ەسەپتەن شىعارىلماعان جانە وتەلمەگەن سوتتىلىقتىڭ بولۋىنا بايلانىستى, 5 كانديدات سوت سىبايلاس جەمقورلىق جاساعانى ءۇشىن نەمەسە سىبايلاس جەمقورلىق بويىنشا زاڭ بۇزعانى ءۇشىن كىنالى دەپ تانىعاندىقتان باس تارتىلدى», دەپ قوستى سپيكەر.
