كەشەن استانانىڭ شەتىندە, قالا ورتالىعىنان 15-20 مينۋتتىق جەردە ورنالاسقان. مۇنداي ورىن وتە ىڭعايلى, بۇل جىلقىلاردىڭ تىنىشتىعى ءۇشىن دە ماڭىزدى جانە كەلۋشىلەرگە دە قولايلى بولۋ ءۇشىن قالانىڭ جانىندا ورنالاسقان.
اۋماقتا جىلقىلاردى كۇتىپ ۇستاۋ ءۇشىن بارلىق جاعداي جاسالعان ءۇش ات قورا بار.
«ارعىماق» كەشەنى كەز كەلگەن دەڭگەيدە ات سپورتى بويىنشا جارىستار وتكىزۋگە مۇمكىندىك بەرەدى. سونداي-اق دەنە شىنىقتىرۋ-ساۋىقتىرۋ ءىس-شارالارىن ۇيىمداستىرۋ جانە وتكىزۋ بويىنشا, ونىڭ ىشىندە مۇمكىندىگى شەكتەۋلى كونتينگەنت ءۇشىن يپپوتەراپيا ءادىسى بويىنشا جاعداي قاراستىرىلعان. ءبىر سوزبەن ايتقاندا, «ارعىماق» كەشەنى قازاقستانداعى ەڭ ءىرى كوپسالالى ات سپورتى-ساۋىقتىرۋ كەشەنى بولىپ سانالادى», دەپ اتاپ ءوتتى ءمۇسىپوۆ.
كەشەندە ءۇش نەگىزگى قۇرىلىم بار.
ءبىرىنشىسى – نەگىزگى جابىق مانەجدىك الاڭ, بيىكتىگى 12 مەترگە دەيىن, 600 ورىنى بار تريبۋنالار (ونىڭ ىشىندە سۇيەمەلدەۋىمەن حالىقتىڭ از قوزعالاتىن توپتارى ءۇشىن 60 ورىن), سۋديالىق ايماقتار. سونداي-اق گاردەروب پەن كاسسالارى بار ۆەستيبيۋل, 80 ورىندىق اسحانا, كورەرمەندەرگە ارنالعان جۋىناتىن بولمەلەر, جاتتىقتىرۋشىلار, پەرسونالعا ارنالعان ءۇي-جايلار, جابدىقتالعان مەديتسينالىق كابينەت جانە دوپينگ-باقىلاۋ ءۇي-جايلارى قاراستىرىلعان.
ەكىنشىسى – 1232 ادامعا ارنالعان تريبۋناسى بار 70ح100م اشىق كونكۋرستىق الاڭ (سۇيەمەلدەۋىمەن حالىقتىڭ موبيلدىلىگى تومەن توپتارى ءۇشىن 120 ورىندى قوسا العاندا, بىرجاقتى) سۋديالىق, ۆيپ جانە ءباسپاسوز ايماعى;
ءۇشىنشىسى – 100 جىلقىعا ارنالعان قورالار.
كەشەن ەمدەۋ-وڭالتۋ جۇمىسىن (يپپوتەراپيا) جۇرگىزۋگە ارنالعان, مۇندا بالالار مەن ەرەسەكتەرگە اتقا ءمىنۋدى ۇيرەتەدى, سپورتتىق, سپورتتىق-بۇقارالىق جانە ويىن-ساۋىق ءىس-شارالارىن ۇيىمداستىرادى.
