اۋدان اكىمى ورىنباسارىنىڭ ۇستالعانى تۋرالى اقپاراتتى قاراعاندى وبلىسى بويىنشا سىبايلاس جەمقورلىققا قارسى كۇرەس دەپارتامەنتىنىڭ باسشىسى مۇرات تۇلەۋباەۆ راستادى. ول اكىم ورىنباسارىمەن قاتار اكىمدىكتەگى باسقارمالاردىڭ ءبىرىنىڭ باسشىسى دا ۇستالعانىن اتاپ ءوتتى. مەملەكەتتىك قىزمەتشىلەر كاسىپكەردەن 500 مىڭ تەڭگە كولەمىندە پارا الدى دەگەن كۇدىككە ىلىنگەن.
«فاكت بولدى. مەن بۇل دەرەكتى راستايمىن. ءاليحان بوكەيحان اۋدانى اكىمىنىڭ ورىنباسارى مەن ءبولىم باسشىسى ۇستالدى. سوڭعىسى دەلدال بولعان. ولار تىكەلەي ءوز مىندەتتەرىنە كىرەتىن فۋنكتسيالاردى ورىنداعانى ءۇشىن كاسىپكەردەن 500 مىڭ تەڭگە العان. قازىر وسىعان قاتىستى قىلمىستىق ءىس تەرگەلىپ جاتىر. ول ءالى اياقتالعان جوق. قر قىلمىستىق-پروتسەستىك كودەكسىنىڭ 201-بابىنا سايكەس سوتالدى تەرگەپ-تەكسەرۋ مالىمەتىن تاراتۋعا قۇقىعىمىز جوق», دەدى مۇرات تۇلەۋباەۆ.
