كەڭەستە تۇجىرىمداما بويىنشا قالالاردا قولجەتىمدى جەرلەردەن جاڭا سپورتتىق ينفراقۇرىلىمدىق نىسانداردى (جۇگىرۋ جانە ۆەلوسيپەد جولدارى, سپورتتىق الاڭدار), وڭىرلەردە بۇقارالىق سپورت ورتالىقتارى مەن اۋىلدىق جەرلەردە مودۋلدىك سپورت عيماراتتارىن سالۋ جوسپارلانىپ وتىرعانى تۋرالى ايتىلدى.
سونداي-اق سپورتتىق-بۇقارالىق شارالار مەن سپارتاكيادالار وتكىزۋ قولعا الىنباق.
تۋريزم سالاسىنىڭ قىزمەت ساپاسىن ارتتىرۋ ماقساتىندا دا ءتۇرلى جوبالار جوسپارلانعان.
2030 جىلعا دەيىن بارلىق شارالاردى ىسكە اسىرۋدىڭ ناتيجەسىندە, ىشكى تۋريستەردىڭ سانىن 11 ملن ادامعا دەيىن ارتتىرۋ, شەتەلدىك تۋريستەردى 4 ملن ادامعا دەيىن ارتتىرۋ, سالادا جۇمىسپەن قامتۋدى 800 مىڭ ادامعا دەيىن ارتتىرۋ كوزدەلىپ وتىرعاندىعى باياندالدى.
دۇنيەجۇزىلىك ەكونوميكالىق فورۋمنىڭ رەيتينگىسىنە سايكەس ءتۋريزمدى دامىتۋ بويىنشا قازاقستاندى الەمنىڭ ۇزدىك 50 ەلىنىڭ قاتارىنا قوسۋ كوزدەلىپ وتىر.
